- Kinshasa:Bilo bia tshimamuende wa bukalenga mu province wa lualaba bikadi bimanyibua. Louis Kamwenyi Tumbu ke udibo basungula mulombodi wa tshibambalu etshi ne meyi 15. Anu pa lumu élu ne tunumanyisha badi batshimuna nkuasa mu imue province.
- Bukavu :Mu Sud Kivu, lukutu-kutu luvua kabidi lukola lelu mu meba a munda munya mu groupement wa Wakabangu 1, territoire wa Shabunda. Bena musoko bavua balomba dipingana dia musungudi wabu ku tshimamuende wa bukalenga.
- Goma: Ku Nord-Kivu, bantu batua ku lukama bavua mu njila lelu bua kudiombola dibanda dia dipanga dikubibua mu tshimenga tshia Goma.
- Goma:Anu mu province wa nord wa kivu, kabadi ka basalayi ku Goma kavua kabidi katangila tshilumbu tshidi panaktshi pa ministère public ne Ntabo Ntaberi mumania mu dina dia Tcheka mulombodi wa tshisumbu tshia baluma ba mvita ba Nduma Défense of Congo, NDC.
- Uvira: Mu sud kivu, territoire Uvira, mpulushi 105 pa 350 bavuabo batuma katshia ngondo wa 12 mu mushala ku uvira bafumina mu centre wa kitona kabena banji kufutshibua too.
- Kisangani: Balongi ba universaite wa kisangani batua ku 1.400 bavua bapatuka makelela mushala mu nzubu yabu nayi Home isatu ya mu Campus . balombodi ba universite ke bavua balomba ne bumbuka mu home eyi .
/sites/default/files/2019-03/11032019-a-t-journaltshilubasoir-_web_.mp3
