Fichier audio : téléchargez Flash pour écouter.
27ème Leçon Les élections c’est facile à comprendre
rn”Vicky : Richard Junior kamunga ,Vote anyi diela dia tukanda ne dienzeka munyi ne malu makuabu a masangula ne apitakana bishi ?”
*Rjk : Vicky Odia, bikengela nganji kuvuluija kumpala ne vote anyi diela dia tukanda ndia muntu nkayenda ne muntu kena mua kupesha muntu mukuabu .
kalata kenda bua baya kumuenzela vote nansha, bua mushindu wikalabi ne tshia kuenzeka, mbiteketa, udi ufika ku bilo bia vote ku tshibuelelu aku, udi uleja kalata keba ka basungudianganyi kudi bantu bikala ne tshia kutangila dina dieba ne didi pa liste ya bantu bavua badifundisha mu santala awu. Bantuaba badi baba bikidla ne ba assesseurs. Kunyima, mulombodi wa bilo, udi ne tshia kukupesha kakanda ka vote, udi ne tshia kuya mu kaaba kasokoma muditumba, kaaba kalongolola bua wikala nkayeba bua ne muntu kamanyi ne uudi usungula nganyi nansha. Mu kaaba aka ne wikala ne tshia kutua tshiala mu kazubu kadi munta mutupu kadi kasanganyibua ku diabaluma kua eyowa anyi too. Udi ubunya kakanda aku bua kusokoka biwudi musungula, kunyima udi mua kupatuka mu kaaba kasokoma aku ne kuya ku musheta wa masungula kumapala kua bantemu bua kuela kakanda keba mu musheta.
*Vicky : Richard Junior , kunyima kua vote, tudi mua kumanya mbitupa kayi bialua pashishe ?
rn* Rjk: Mbimpa Vicky , kunyima badi ne tshia kubanga ku baala tukanda tonso bua kupeta bipeta bia masungula. Malu onso adi ne tshia kupitakana kumpala kua bantemu, babandindi bam u ditunga ne matunga menyi ne basungudi batanu basungula kudi bena bilo bia dibala tukanda.
rn* Vicky: Richard, bena congo ba bungi, mbasua kumanya ne mushindu kayi wenzeka dibala dia tukanda ?
rn* Rjk: Vicky, bukokeshi bonso bidi amu kudi mulombodi wa bilo ke udi mua kukangula musheta wa masungula kumpala kua bena bilo bonso, bantemu, babandindi badi muaba awu, ne Basungudi batanu bikalabu basungula kudi bena bilo, udi wangata kakanda kukamua kukamua kupesha assesseur udi ne tshia kubala ne diyi dikola ne ukateka bilondeshila disungula dia ne , eyowa, anyi ne too anyi kakayi kafunda tshintu nansha. Bantu bakuabu badi muaba awu badi benda bafunda. Padi dibala dijika mulombodi wa bilo udi ne tshia kufunda mukanda anyi procès verbal biulondeshila mudibu balongolola kudi bena Cei, Bantu bonso badi ne tshia kutua tshiala pa mukanda ewu, nansha bantemu badi basua kutua pabu, badi mua kupesha bantemu mukanda ewu bobu balomba.
* Vicky: Richard, udi muakula muaba ewu bua kakanda ka munda mutupu anyi nul, tudi mua kumanya mushindu kayi udi kakanda ka nenku ne tshia kupatuka?
* Rjk: Mbilelela Vicky, udi muakupeta malu a mushindu bu nenku a bungi, ne kuikala tukanda tukuabu tuikala tufundulula tshilejilu muntu mufunda eyowa ne too anyi muntu kayi mufunda tshintu nansha, badi ne tshia kupanda tukanda tua nenku.
* Vicky: Richard Junior kamunga , bua kujika ngambila , dibala dia tukanda tua referendum ne dienza matuku bungi munyi menamena?
rn* Rjk: Vicky Odia, dibala dia tukanda tua référendum didi ne tshia kuenzeka munda mua dituku dimua bilondeshila bungi bua mudimu, mbalongolola malu onso nansha a dimanyishanganyi ngumu bua bakemena bionso ebi. Kadiomba ka Okapi ne kanumanyisha pa lukasa lonso bipeta bia referendum.
Texte de Samuel KatshakrnOndes CourtesrnTél. : (00243) 998909787rnE-mail : [email protected] [email protected] en Tshiluba dern Richard Junior KAMUNGArnJournaliste Radio OkapirnTel : 00243/816037466rnE-mail : [email protected] [email protected]
