Fichier audio : téléchargez Flash pour écouter.
27è Leçon Chronique élection de la semaine du 12 au 16 Décembre 2005rn
” Kusola ya ba nsiku mpe ina ta landa yau ta salama inki mutindu ? ”
*Ya fwana mbote kuzabisa ntete nde,kusola fwana salama kaka na muntu yandi mosi, yandi lenda tinda muntu ya kaka ve, yandi lenda mpe ata fioti ve kutinda yau na mukanda. Sambu na kuzaba inki mutindu yau ta salama yau kele pete.Nge kuma na bureau ya vote,na kielo nge songa carte na nge ya kupona na bantu ina fwana kutala kana zina na nge kele na liste ya bantu ina fwana kusola na bureau ya vote ina.Na nima ntwadisi ya bureau ya vote tapesa nge bulletin ya vote. Nge kota na kisika me bongisama kuna nge mosi muntu ya kaka ta kota na nge ve,sambu na kuzaba ina nge me sola. Kuna na kisika ya nge mosi,nge ta tula kidimbu ya musapi na nge na kisika me bongisa na diboko ya kibakala nge tula na OUI to na NON.na nima nge konika bulletin na nge,sambu na kubumba ina nge me pona. Na nima nge ke basika na kisika nge kotaka nge mosi, nge ke pusana na caise ina bo ke bokila Urne na meso ya ba bangi, nge tula bulletin na nge ya vote na kati na yau.
* Na nima ya kupona beto lenda kuzaba inki ta landa to inki ta salama?
*Na nima ya kusolo,bau ta yantika kutanga ba bulletin ya vote sambu na kuzaba mvutu.Yau ta salama na ntuala ya ba mbangi ya inza, ya insi, mpe ba bangi ina bisadi ya bureau ya vote tapona sambu ya kutanga mpe kupesa mvutu .
* Bana mingi ya RDC ke zola kuzaba inki mutindu ta salama bisalu ya kutanga ba mvutu na nima ya kusola ?
rn* Ntuadisi ya bureau ya vote nde kele na inswa ya kukangula caise ina to urne kisika kele ya ba bulletin ya vote, na ntwala ya ba mbangi.yandi ta yandika kubaka bulletin,mosi mosi yandi ke pesa yo na mosi ya kisadi ya bureau ya vote, yandi na ndambu nandi ke bakula ina ba me pona Oui to ina me ponama NON yandi fwana tanga yau na ndinga ngolo sambu kana mpe yau ikele Nul ya zola tuba yau ikle na mfunu ve.Na tangu ina bisadi ya kaka ya bureau ke tanga mpe.
Kana ba manisa kutanga, ntwadisi ya bureau ya vote,fwana sala rapport to procès-verbal samu na kuzabisa mutindu me lutila bisalu kulandana na mutindu ke zodila CEI.Bisadi nionso ya buresu ya vote fwana tula maboko na rapport ina mpe ba mbangi kana bau me zola bau ta zua copie mosi ya procès verbal
* Nge me tuka ti kele na ba bulletin ya kaka bau ta sokika na zulu na yau “NUL” ya zola tuba yau ikele na mfunu ve. Beto lenda zaba inki tangu bau lenda tula kisono ina ?
*.Beto pesa mbandu kana bulletin ya vote ina me landa mutindu ke zodila CEI ve, kana ntwadisi to président ya bureau ya vote,me vila kutula diboko na bulletins, to mpe bulletin ina ba me pona OUI, na nima ba me vuanza sambu na kusola NON to mpe ina ba me pona nionso zole,kana bulletin ya vote me pasuka na tangu ina bulletin ya vote ina me kuma NUL ya zola tuba yau ikele diaka na mfunu ve.
*Sambu na kusukisa bisalu ya kutanga ba mvutu ta sala bilumbu to tangu ikwa ?
* Tangu me fwana sambu na kutanga ba mvutu ya kusola ba nsiku ikele ya kilumbu mosi kulandana na mutindu ta twadisama bisalu na konso bureau ya vote ya kaka. Mambu nionso me manisa kubongisama sambu ti tangu yai ba me pesa yau kuzitisama.. Radio Okapi ta vuanda na kisalu sambu na kupesa beno mvutu ya kiuvu ya kusola ba nsiku.
Texte de SAMUEL KATSHAKrnOndes CourtesrnTél. : ( 00243) 998909787rnE-mail : [email protected] [email protected] rnTraduction Micheline TshwalarnJouranliste productrice, presentatrice,traductricernTel : 09 98186793rnRadio Okapi Kinshasa.
