" Udi mua kutuambila mudimu kayi wa bena tshimamuenda wa bualenga anyi parlement ? "

Fichier audio : téléchargez Flash pour écouter.

” Udi mua kutuambila mudimu kayi wa bena ku tshimamuenda wa bukalenga anyi parlement ? ”

* RJK : Vicky Odia , tshimamuenda wa bukalenga tshibambalu tshidi tshitangila meyi ne mikandu bia ditunga. Tshidi ne mudimu wa kufunda meyi anyi mikenji idi ne tshia kulombola bimpa bibambalu bia ditunga. Bilondeshila kanungu ka 100 la meyi makulu a ditunga dia Congo wa mungalata, tshimamuenda wa bukalenga tshidi tshitaba meyi ne mikandu, tshikontolola bena bukalenga , bena matanda ne midimu mishilashilangana ya mbulamatadi. Mu ditunga dietu emu , tshimamuenda wa bukalenga tshidi ne bibambalu bibidi, Assemblée Nationale ke muaba udi ba tshipuitamunua mfuanka ne Senat ke muaba udi bakulumpa ba mabala. bibambalu ebi bidi bikuata mudimu mushilangana ne mbidikadila.

* Vicky :Richard Junior , Mushindu kayi udibu bafila mpala ya bantu ku tshimamuenda wa bukalenga ?

* RJK :Vicky Odia, Bena bisumbu bia tshididi mbadi bafila mpala anyi bena nsangilu wa bisumbu bia tshididi. Ba tshipuitamunuamfuanka badi baleja mpala wa ditunga ne badi babasungula kudi bantu bonso musangu umua ne mumusokoku. kadi bua Bakulumpa ba mabala bobu nansha mudibu ne mudimu wa mu ditunga dijima, badi baleja mpala ya mpolovensa, badi babasungula mu tshitupa tshibidi ku tshimamuenda wa bukalenga mu mpolovensa. batshipuitamunuamfuanka ne bakulumpa ba mabala badi babasungula ne bindondi biabu bibidi badi mua kubapingana bilondeshila meyi mapunga a ne padi muntu mufua, mulekela nkayenda mudimu, anyi mukosela bibawu bia buloko. Bilondeshila meyi adi nomba 06/006 a mu dia matuku 9.03.06 adi alongolola masungula a ba mfumu ba ditunga , ba tshipuitamunuamfuanka ba ditunga ne mu mpolovensa, mu bimenga, commune ne misoku. midimu ya batshipuitamunuamfuanka ne bakulumpa ba mabala idi ibanga padibu bitaba bukenji buabu ku bibambalu bionso bionso bibidi ne midimu yabu idi ijika padibu basombesha bena tshimuameunda wa bukalenga tshikuabu mu nkuasa. ba tshipuitamunuamfuanka ne bakulumpa ba mabala badi ne bidimu bitanu bia mudimu bidibu mua kukumbaja musangu umua. kadi mbimpa kumanya ne bantu bonso bakavu basungula bu ba mfumu ba ditunga badi bashala kashidi matuku a moyo wabu bu bakulumpa ba mabala.

* Vicky : Richard Junior kamunga, manema kayi mena a ba tshipuitamunuamfuanka ne bakulumpa ba mabala ?

* RJK ; Vicky Odia, Ba tshipuitasmunuamfuanka ne bakulumpa ba mabala, badi ne manema a kuendakana mu ditunga dijima anyi kupata kakuyi mikanda nansha, Badi ne bakumbu a budikadidi buabu, bionso ebi mbilongolola mu meyi a mpetu. badi ne tshia kufuta ba tshipuitamunuamfuanka ne bakulumpa ba mabala makuta a ngondo isambombo tshikondo tshidi mudimu ijika. malu onso aa adi malongolola ne majadika mu meyi adi atangila tshibambalu tshionso tshia ku tshimamuenda wa bukalenga.

* Vicky : Bua kujikija lelu , Richard Junior Kamunga, tudi mua kumanya ndiba kayi kayi didi midimu ya ba tshipuitamunuamfuanka ne bakulumpa ba mabala ijika ?

* RJK: :Vicky Odia, midimu ya ba tshipuitamunuamfuanka ne ba kulumpa ba mabala idi ijika tshikondo tshidi midimu ya tshimamuenda wa buakalenga ijika anyi muntu ufua, ubenga mudimu nkayenda anyi usama bikola, anyi upumbisha mu bisangilu kayi wamba nansha anyi wenza mudimu udi mukandika ku tshimamuenda wa bukalenga, anyi ba mukosela buloku. nushala kumanya ne padi tshipuitamunuamfuanka anyi mukulumpa wa dibala udiumbukila nkayenda kubudisuela buenda mu tshisumbu tshiabu tshia tshididi udi ne tshia kulekela mudimu ku tshimamuenda wa bukalenga bualu uvua mupeta mudimu ewu ku tshisumbu tshia tshididi.

Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected]

Biandamuna mu tshiluba kudi rnRichard Junior KAMUNGArnJournaliste Radio OkapirnTel : 00243/[email protected]@yahoo.fr

Recevez Radio Okapi par email

Donnez votre adresse email dans ce formulaire afin de recevoir tous nos articles dans votre boîte email. Vous recevrez un message de confirmation avec un lien sur lequel il vous faudra cliquer afin que l'envoi d'emails devienne effectif.
Si vous ne voyez pas l'email de confirmation dans votre boîte de réception, allez chercher dans vos spams et marquez le message comme "non spam".  

Votre adresse email :

Service offert par FeedBurner