" Kisalu to funu ya parlement ikele inki ? "

Fichier audio : téléchargez Flash pour écouter.

” Kisalu to funu ya parlement ikele inki ?”

* Parlement kele na kisalu ya kusonika ba mikanda mpe nsiku ke sadisa na ntuadisilu ya mbote ya bisalu kele na kati ya insi. Kulandana na ndonga kama mosi,ya nsiku ke tuadisa République Démocratique du Congo, Parlement to inzo ya kinzonzi kele na kisalu ya kupona ba nsiku, kulandila mbote mbote mambu nionso ya ke sala luyalu , bisalu ya mbula matadi nionso ya kele na kati ya insi,mutindu mosi mpe yandi ke sala nionso sambu na kutelemisa bisalu ya mbula matadi sambu yau kwenda na ntwala.
Na insi na beto, inzo ya kinzonzi me kabwanaka na bitini zole.Kitini ya ntete ba ke bokila yau na assemblée Nationale, yau nde chambre basse,kitini ya zole ba kele bokila yau Senat yau nde chambre haute .Konso kitini ya inzo ya kizonzi kele na kimpwanza na yau ya bisalu mpe mbongo ina fuana twadisa bisalu.
Binama ya inzo ya kizonzi ina beto ke binga Assemblée nationale bau ke bokilaka bau ba députés nationaux, to ba ntumwa ya kangu sambu na insi ya mvimba.Kansi bayai ya Sénat ba ke bokilaka bau ba Sénateurs.

” Inki mutindu bau ke monisa ba zina ya bayina ke zola kuponama na kuvanda ba ntumwa ya kangu na inzo ya kinzozi to ba candidats na parlement ?”

* Bantu ke zola kuponama sambu na kuvanda ba ntumwa ya kangu, mazina na bau ta pesama na bimvuka na bau ya politique.
Ba ntumwa ya kangu sambu na insi mvimba to ba députés nationaux bau kele bimonikisi ya insi,bau fuana kuponama na kangu nisono mbala mosi.Ba sénateurs ata kana bau piya kele sambu na insi ya mvimba kansi bau ke monikisa mingi bizunga.Bau ke pona bau na kati ya assemblées provinciales.
Ba ntumwa ya kangu mpe ba senateur, bau fuana ponama mbala mosi na bilandi na bau zole, ba ina fuana kota na kisika na bau kana lufwa kumonna na mosi,kukatuka na kisalu,kana bau me kanga yandi, to yandi lenda diaka ve kusala kisalu. Kulandana na nsiku 06/ 006 ya bilumbu invua ngonda ya tau, mvula mafunda zole na sambanu,ina me tala kuponama ya mfumu ya insi,ba ntumwa ya kangu ti na ba ntwadisi ya ba localité, bisalu ya ba ntumwa ya kangu to ba députés nationaux na ba sénateurs ke banda tangu ya ke dimama luyalu ya inzo ya kinzonzi na bitini nionso zole, kisalu ya ba ntumwa kangu ke manisa kana bau me tula inzo ya kinzonzi ya kaka.
Ba ntumwa ya kangu to ba députés nationaux na ba sénateurs bau ke ponama sambu na kumonikisa kangu na ba mvula tanu ya bisalu, bau lenda pona bau diaka mbala ya zole kana bau me sala mbote. Diambu ya mfunu kele yai: MFumu ya insi ya ntama to ina me manisa mandat na yandi kana yandi me katuka na luyalu, yandi ke bikala ntumwa ya kangu na Senat luzingu na yandi ya mvimba ti na lufwa.

“Zabisa beto inki kele ba inswa ya ba ntumwa ya kangu to ba députés nationaux mpe ba sénateurs ?”

* Ba ntumwa ya kangu to ba députés nationaux mpe ba sénateurs bau ikele na inswa ya kutambula na kati ya insi ya mvimba mutindu bau me zola sambu na kusala kisalu na bau mpe ata kubasika na nganda ya insi, na kimpwanza nionso mpe kiyeka. Na kati ya nsiku me tala mbongo, bau ke tuba nde,ba ntumwa ya kangu to ba députés nationaux mpe ba bau kele na inswa ya kuzua lufutu ya ba ngonda sambanu kana bau me kuma na nsuka ya mandat na bau.Beno fwana zaba nde mutindu ya kutula mambu yai nionso na bisalu, yau me bongisama na nsiku ke twadisa konso kitini ya bisalu ya inzo ya kinzonzi.
” beto lenda zaba inki tangu ke manisa kisala ya ba ntumwa ya kangu to ba députés nationaux mpe ba sénateurs ?”

* Kisalu to mandat ya ba ntumwa ya kangu to députés nationaux mpe ba sénateurs ke manisa na suka ya mandat ya inzo ya kinzonzi ya zola tuba na nima ya ba mvula tanu,kana muntu me kufwa,to yandi me zola yandi mosi kubikisa kisalu ina,kana ntangu nionso yandi ke kuka kusala ve,yandi ke monana ve na ba lukutakanu ya bisalu ya inzo ya kinzonzi,kana mpe bau me kula yandi kulandana na nsiku ya kupona,kana yandi me ndima kusala kisalu ya kaka ina me kukana ve na bisalu ke lomba inzo ya kinzonzi,to mpe kana bau me kanga yandi kulanda na imbi yandi salaka na luzolo na yandi.
Bika beto zabisa ti, ntumwa ya kangu nionso yandi vuanda député national to sénateur , kana yandi me katuka na kimvuka ya politique na yandi, na luzolo na yandi mosi, yandi fwana bika kisika na inzo ya kizonzi pamba kele parti politique na yandi nde pesaka yandi kisika ina.

Texte de SAMUEL KATSHAK rnOndes CourtesrnTél. : 00243998909787rnOndes CourtesrnE-mail : [email protected] [email protected]

Traduction Kikongo de Micheline TshwalarnJournaliste Radio Okapi/KIN/RDCrnTél : 0998186793

Recevez Radio Okapi par email

Donnez votre adresse email dans ce formulaire afin de recevoir tous nos articles dans votre boîte email. Vous recevrez un message de confirmation avec un lien sur lequel il vous faudra cliquer afin que l'envoi d'emails devienne effectif.
Si vous ne voyez pas l'email de confirmation dans votre boîte de réception, allez chercher dans vos spams et marquez le message comme "non spam".  

Votre adresse email :

Service offert par FeedBurner