Fichier audio : téléchargez Flash pour écouter.
Mudimu kayi wa tshimamuenda wa bukalenga mu mpolovensa ne mushindu kayi udibu batshilongoolola?
RJk : Mireille Bukasa, kanungu ka 197 ka meyi makulu a ditunga dia congo wa mungalata kadi kaleja ne tshimamuenda wa bukalenga mu mpolovensa ntshidi dilongoloola midimu mu mpolovensa ne tshikontonona bukalenga mu mpolovensa ne mu midimu ya mbulamatadi ne ya tshianana. badi bakauata mudimu muaba ewu badi bababikila ne ba tshipuitamunuamfuanka ba mpolovensa. badi babasungula kudi bantu bonso musangu umua ne mu musokoku anyi babasungula mu bantu badi bamanyika bua bidimu bitanu bidibu mua kupingana kabidi.
bilondeshila kanungu ka 143 ne kanungu ka 145 ka meyi adi nomba 06/006 a mu dia matuku 9 a ngondo wa luabanya tshidimu tshia 2006 adi alongolola masungula a ba mfumu ba ditunga, ba tshipuitamunuamfuanka ba ditunga ne mu mpolovensa, mu bimernga ne mu misoko, tshipapu tshia masungula bua ba tshipuitamumuamfuanka ba mpolovensa bidi buenzeka mu mpolovensa, mu tshimenga ne mu territoire. mu tshimenga tshia Kinshasa budi mu commune, bungi bua nkuasa ya ku tshimamuenda wa bukalenga mu mpolovensa budi nenkurn48 bua bantu babala 2.500rn42 bua bantu babala 2001 too ne ku 2.500rn36 bua bantu babala 1.500 too ne 2.000rn30 bua bantu babala 1.500 too ne 1.001rn24 bua bantu babala 500 too ne 1.000rn18 bua bantu babala 500 anyi muinshi.
Mireille : Richard Junior, malu kayi adi akengela bua bobu kusungula muntu bua yeya kulua tshipuitamunua mfuanka mu mpolovensa ?
Rjk : Mireille Bukasa, kanungu ka 148 ne ka 149 ka meyi a masungula nkaleja ne liste ya mpala ya aba badi ne tshia kushala bua tshipuitamunuamfuanka badi bayifila kudi bena bisumbu bia tshididi anyi nsangilu ya bisumbu bia tshididi anyi muntu nkayenda. Bua kufuluija , aba badi basua kufila mpala bua kuikala ba tshipuitamunuamfuanka ba mu mpolovensa badi ne tshia kukumbaja bintuebi, kuikala muena congo, kuikala ne bidimu 25 dituku didi uya kufila mpala, kuikala ne manema a bu muntu onso ne a tshididi, kuikala ne kalata ka basungudi anyi kudi badisha dituku dia kufila mpala ku Cei. muntu udi ne tshia kufunda mukanda wa kuleja ne mudifila nkayenda bilondeshila meyi mafunda kudi Cei ne matua tshiala kudi muntu udi mufula mpala., kuleja mukanda wa buena ditunga, CV anyi mukanda udi uleja midimu mienza, photo inayi mikesa, tshimanyinu tshia tshisumbu tshia tshididi, kufila kabidi meena a bantu babidi badi ne tshia ku mupingana anyi ba suppléants.
Mireille : Richard Junior kamunga bua kujikija dituku dia lelu, kunyima kua mikanda yonso yi udi mutela ayi, ntshinganyi tshikuabu tshidi muakuikala natshi tshipuitamunuamfuanka wa mu mpolovensa?
Rjk : Mireille Bukasa, badi mua kukumbaja mikuabu mikanda eyi, photocopie wa kalata ka basungudi, muknda wa diledibua, mukanda udi uleja difuta dia makuta bua kufila mpala bua kuikala tshipuitamunuamfuanka wa mfualanga ya muena congo binunu 55 biela mu difueta dia mbulamatadi., mukanda mufunda kudi balombodi ba tshisumbu tshia tshididi anyi nsangilu wa bisumbu bia tshididi udi ujadika ne udi muitabija bua kufila mpala.
Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected]
Traduction en tshiluba de rnRichard Junior KAMUNGArnJournaliste Radio OkapirnTel : 00243/[email protected]@yahoo.fr
