Fichier audio : téléchargez Flash pour écouter.
” Mushindu kayi wasungulabu balombodi ba bimenga anyi ba Maire de la ville ne bindondi biabu ? ”
Rjk: Elysée Tshikota, mulombodi wa tshimenga ngewu udi ne bukokeshi bua kulombola commune. di musungula dienda , mudimu wenda ne makokeshi adi nawu mashilangana biloneshila matunga mashilashilangana. tudi mua kuamba ne mulombodi wa tshimenga ke nzuzi wa kumpala mu commune ne ke mfumu mena wa kumpala udi ne bukokeshi bua dilombola commune. Mu kanungu ka 183 ka meyi 06/006 ka mu dia matuku 09.03.2006 adi alongolola masungula a ba mfumu ba ditunga, ba tshipuitamunuamfuanka ba ditunga, mu bimenga , commune ne mu misoko mu ditunga dijima dia congo majadika ne mulombodi wa tshimenga ne tshindondi tshienda badi ba basungula pa liste umua, kudi kasumbu ka bantu badi ba bungi mu bafidi ba ngenyi mu tshimenga , munkatshi anyi pambelo pa kasumbu ka bafidi ba ngenyi, bidi bua bidimu bitanu, bidibu bua kupingana kabidi. Liste ya balombodi ba tshimenga ne bindondi biabu badi bayifila kudi bena bisumbu bia tshididi anyi nsangilu wa bena bisumbu bia tshididi. Bantu badi badikadila badi badifila nkayabu mpala ku Cei.
Elysée :Richard Junior, Malu kayi adi bantu badi basua kufila mpala bua kuikala balombodi ba tshimenga ne tshia kukumbaja ?
Rjk : Elysée, Mulombodi wa tshimenga ne tshindondi tshienda, badi ne tshia kuikala bena ditunga dia congo, bikala ne bidimu 18 dituku didi ufila mpala, bikala ne kalata ka basungudi anyi bakapeta dituku dididbu bafila mapala adi. Bilondeshila kanungu ka 186 ka meyi amua a masungula aa, badi basua kushala balombodi ba tshimenga badi ne tshia kufila mpala ku bilo bia Cei mu bimenga biabu, badi ne tshia kufunda mukanda ku bianza ne ba utua tshiala, mukanda wa bu muntu ne ewu udi uleja midimu mienza, bionso bijika ne miaku mifunda ne ” ndinjadika ne bioonso mbidi mufunda ebi mbilelela ” kudi ne tshiakuikla ne photo mikesa 4, tshimanyinu tshia tshisumbu tshia tshididi. udi ne tshia kukumbaja kabidi bintuebi, photocopie wa kalata kenda ka basungudi, mukanda wa diledibua, diebji didi dileja ne mufuta makuta bua kufila mpala, mfualanga ya muena congo binunu lukama ne dikumi ikalabu kabayi mua kupingaja nansha, mukanda mutua tshiala kudi ba mfumu ba tshisumbu.
Elysée : Bua kujikija lelu, Richard Junior kamunga, tuambilaku mushindu kayi wenzeka masungula a mulombodi wa tshimenga ne tshindondi tshienda ne ditela dia bipeta ne dienzeka munyi ?
RJK : Elysée Tshikota, masungula a mulombodi wa tshimenga ne tshindondi tshienda adi enzeka mu musokoku, pikala tshia pa bisatu bia ba mambala ba kasumbu ka bafidi ba ngenyi ba mu tshimenga bakumbane, bobu kabayi bakumbane to, badi ne tshia kubikulula kabidi tshisangilu kunyima kua matuku abidi, nansha bantu bobu kabayi bakumbana to badi amu basungula, numanya ne mufidi wa ngenyi yonso udi amu ne katshi kamua kakuela bilondeshila kanungu ka 188 ka meyi a masungula, masungula a mulombodi wa tshimenga ne tshindondi tshienda adi enzeka matuku 7 kunyima kua diteka dia bilo bia kashidi bia bafidi ba ngenyi ba tshimenga.
Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected]
Bikudimuna mu Tshiluba kudirnRichard Junior KAMUNGArnJournaliste Radio OkapirnTel : 00243/[email protected]
