" Inki mutindu taponama ba ntwadisi ya ba mbanza mpe bilandi na bau, to ba maires mpe maires adjoints ? "

Fichier audio : téléchargez Flash pour écouter.

” Inki mutindu taponama ba ntwadisi ya ba mbanza mpe bilandi na bau, to ba maires mpe maires adjoints ? ”

* Ntwadisi ya mbanza kele muntu ke twadisa kimfumu na ba commune. Kuponama na yandi mpe kisalu na yandi, ke kesanaka kulandana na komso insi. Beto lenda tuba ti, ntwadsi ya mbanza to maire, kele zuzi ya ntete na kati ya mbanza.Yandi kele na kiyeka ya bisalu nionso na kati ya commune.
Ndonga kama mosi, makumi nana na tatu ya nsiku 06 / 006 du 09 ya salamaka na ngonda ya tatu mvula mafunda zole na sambanu ya beto ikele,ya me tala kubongisa bisalu ya kupona mfumu ya insi,ba ntumwa ya kangu na insi mpe na bizunga tii na ba localité na insi ya mvimba République Démocratique du Congo ke tuba ti,ntwadisi ya mbanza to maire na kilandi na yandi,bau ke pona bau kaka na lukaya mosi to liste mosi na mbala mosi na ba conseillers urbains, bau ke pona bau na kati to na nganda ya conseil, mpe bau fwana sala kisalu mvula tanu, ba lenda mpe kupona bau diaka sambu na mvula tanu ya kaka.
Liste to lukaya kele na ba nkumbu ya ba ntwadisi ya mbanza to maire na bilandi na bau, ke monisama to ke pesama na parti politique to kimvuka ya ba parti politique.
Kansi bantu kele na kimpwanza ya kupesa mazina sambu na kuponama to ba candidat independat, bau mosi nde ke kwenda pesa zina na bau na Commission électorale indépendante.

“Inki fwana sala to mpe inki mutindu fwana vuanda bantu ina ke pesa zina sambu na kuponama ba ntwadisi ya mbanza to maires na bilandi na bau ? ”

* Ntwadisi ya mbanza na kilandi na yandi fwana vuanda bana ya RDC ya kubutuka mpe ya menga.Bau fwana vuanda na ba mvula kumi na nana to kuluta na kilumbu ba ke manisa kubaka mazina ya bayinma fwana kuponama.Yandi fwana vuanda na ba inswa na yandi nionso ya politique mpe ina ya ki civil.
Bantu ke pesa zina sambu na kuponama kuvanda ba ntwadisi ya mbanza to ba maire mpe bilandi na bau,fwana vuanda bantu me manisaka kusonika mazina na bau mpe kutangama kati ya bantu fwana kupona , to kusala yau na kilumbu bau ke kwenda pesa candidature na bau.Kulandana na ndonga kama mosi makumi nana na sambanu ya nsiku me tala kupona ke tuka ti ba maire mpe bilandi na bau fwana kumonisa candidature na bau na CEI ya kele na kisika bau kele.
Na kati ya candidatures na yandi fwana kumonana bima yai : Mukanda ya kundima nionso me sonama kuna mpe yandi fwana tula diboko to signature,yandi pesa mpe fiche d’identité ya bau fwana kulandila sambu na kuzaba nani yandi kele, bwela diaka curriculum vitae ke manisa na kundima mpe kuzenga selaka mutindu yai : “Mono me ndima ti mambu yai nionso me sonama awa kele ya selaka yau ke luvunu ve. “.
Yansi fwana pesa diaka ba photos passeport, iya,kidimbu ya parti politique fwana vuanda ,Kuzimbana ve bima yai :rn- Photocopie ya carte ya muponi to carte d’électeur,rn- Mukanda ya kubutuka to Attestation de naissance,rn-Mukanda to ina ba ke bokila récépissé ke monisa ti nge to kimvuka politique me manisa kufuta mbongo na sanduku ya l’Etat mpe ba lenda vutula yau ve,ba FC mafunda kama mosi na kumi.
-Mukanda me katuka na kimvuka ya politique yau ke pesa inswa na candidat na kupesa kumbu na yandi mpe kuponama.

” Inki mutindu ta salama kuponama ya ba ntwadisi ya mbanza mpe bilandi na bau, mpe inki mutindu ba mvutu ta pesama? ”

* Kuponama ya ntwadisi ya mbanza na kilandi na yandi ke salamaka na kinsweki, na ndambu ya binama ya conseil urbain bayina kele vana.
Kana bau me lunga ve,vana conseil urbain, ke bokidisa lukutakanu na nima ya bilumbu zole ke kwiza sambu bau pona na bantu ina ke monana na ntangu ina. Ya lenda mbote beto zabisa beno ti, konso conseiller urbain kele na inswa ya kupesa kaka ndinga mosi na kati ya bisalu ya kupona ina.
Kulandana na ndonga kama mosi makumi nana na nana ya nsiku me tala bisalu ya kupona yau ke tuba ti,kuponama ya ntwadsi ya mbanza to maire na kilandi na yandi yau fwana salama na nima ya bilumbu sambwadi ya kuyandika bisalu ya Conseil urbain.

Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected] Kikongo de rnMicheline Tshwala rnJournaliste Radio OkapirnTél. :00243998186793