" Nani ba ke bokila conseiller urbain mpe zabisa beto ba ke ponaka yandi inki mutidu ? "

Fichier audio : téléchargez Flash pour écouter.

” Nani ba ke bokila conseiller urbain mpe zabisa beto ba ke ponaka yandi inki mutindu ? ”

* Conseiller urbain kele kinama ya ba tuadisi ya kitini ya ntoto na kati ya mbanza. Yandi kele bonso zuzi na kati ya mbanza Kisalu na yandi kele ya kupesa ndongisila to malongi na mabu me tala bisalu na kati ya mbanza .
Kitini ya ntoto to circonscription électorale me bongisama sambu na kuponama ya ba conseillers urbains ikele commune. Konso commune fwana monisama na ba conseillers urbains iya.
Ba ke pona bau sambu na mvula tanu . Bau ke pona bau kulandana na liste kele na ba kumbu na bau.Ina ke zua ba ndinga mingi yandi nde ke bikala to ke baka kiti ya kimfumu.

” Beto lenda zaba inki fwana sala muntu ina ke zola kuponama ti yandi vuanda conseiller urbain ? ”

* Muntu to candidat na conseil urbain fuana vuanda mwana ya RDC to kuvanda na ina ba ke bokila nationalité congolaise.Yandi fuana vuanda na ba mvula kumi na nana ya kubutuka to kuluta na kilumbu ba ke manisa kubaka ba kumbu ya ba candidat.Yandi fwana vuanda na ba inswa na yandi nionso ya ki civils mpe ina ya kusadila politiques.
Candidats to muntu ke zola kuponama kuvanda conseillers urbains fuana vuanda kati ya bantu ina pesaka ba zina na bau na kuponama mpe na kupona kilumbu yandi ke kwenda pesa candidature na yandi.
Kulandana na ndonga nkama mosi makumi nsambwadi na sambwadi, ya nsiku 06 / 006 ya salamaka na bilumbu ivua ngonda ya tatu, mvula mafunda zole na sambanu, me tala kupona ya mfumu ya insi,ba ntumwa ya kangu,na bizunga,mpe ba mbanza ti na ba localité na insi ya mvimba République Démocratique ya Congo,ke tuba ti,ba candidats na conseil urbain fwana kwenda pesa zina to candidatures na yandi sambu na kuponama na bureau ya Commission électorale indépendante ya kele na kisika yandi ke zingaka. Na kupesa candidatures yandi fwana tula bima yai na kati : Mukanda me monisa ti yandi mosi me ndima kupesa zina na yandi,yandi sonika yau n maboko mpe yandi tula singature na yandi na curriculum vitae yandi manisa na ba mpova to bisono yai : ” Mono me zenga seleka ti,mambu nioso mono me sonika yau ikele seleka mono me vuna ve “.
Candidature ina fwana fuanda na ba photos passeport iya, kidimbu ya parti politique to kimvuka ya politique. Yandi fwana kuyika bima yai:rn- Photocopie ya carte ya muponi to carte d’électeur,rn- Attestation de naissance to mukanda ya ke songa kilumbu mpe kisika yandi butukaka,rn-Récépissé to mukanda ke monisa ti yandi me manisa kufuta mbongo to caution na sanduku ya mbula matadi ina bau ta vutula yandi ve, ba Fc mafunda makumi zole na tanu.
-Mukanda me katuka na kimvuka ya politique ke pesa yandi inswa na kupesa zina sambu yandi ponama.

” Sambu na kusukisa zabisa beto inki mutindu bisalu ya kupona ta salama mpe ba mvutu ya ba conseiller urbains ta zabana inki mutindu ? ”

* kuponama ya ba conseillers urbains fuana salama na mbala mosi na kinsweki na ndambu ya binama ya conseil municipal bayina kele vana.
Kana bau me lunga ve,na nima ya bilumbu zole, conseil municipal, ta bokidisa bau sambu bau kusola ata kana binama ya conseil yango me lunga ve.Kansi yau fwana kuzaba ti konso conseiller municipal kele na inswa ya kupona kaka na ndinga mosi to muntu mosi na mbala mosi.

Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected] :rnMicheline TshwalarnEquipe électoralernTél. : 00243998186793