Fichier audio : téléchargez Flash pour écouter.
” Udi mua kutumvuija mudimu wa bougmestre ne bougmestre tshindondi anyi ne badi babasungula mushindu kayi ? ”
RJK : Elysée Tshikota, bougmestre anyi kabulu ngewu udi ulombola commune anyi mukaba wa buloba, mu ditunga dia congo wa mungalata, anyi mu Belgique anyi mu Luxembourg, dibikila edi ndia momumua, tshilejilu ,bimenga mbikosolola mu commune, mu midimu mipesha ba bougmestre badi balombolola pa kunemeka meyi ne mikandu mu commune , badi kabidi benza mudimu ya Etat civil, udi ne tshia kumanya malu onso adi apitakana mu commune, kumanya bungi bua badi badi baledibua ne badi bafua. .Padiye kayikoku tshindondi tshienda ntshidi ne tshia kuenza mudimu wenda. Bilondeshila kanungu ka 199 ka meyi 06/006 a mu dia matuku 09 03.2006 adi alongola masungula a ba mfumu ba ditunga , ba tshipuitamunuamfuanka ba ditunga ne mu mpolovensa, mu bimenga, commune ne mu misoku wa ku ntshiama mu ditunga dijima dia congo wa mungalata. ,bougmestre ne bougmestre tshindondi badi ba basungula pa liste umua kudi bantu ba bungi misangu ibidi kudi bafidi bangenyi ba commune badi munda anyi pambelo pa kasumbu ka bafidi bangenyi, bidi bua bidimu bitanu bidibu mua kupingana kabidi.,
Elysée: Richard Junior ntshinganyi tshidi tshikengela bua kusungulabu muntu bua alua bougmestre ne tshinganyi tshidi mua kukandika muntu bua kabamusungudi ?
Rjk: Elysée: badi bafila mpala bua kuikala ba boumestre anyi bougmestre tshindondi badi ne tshia kuikala bena ditunga dia congo. badi ne tshia kuikala ne bidimu 18 dituku didibu baya kufila mpala ne bikala ne manena a tshididi ne a bu muntu.* badi ne tshiakuikala badifundisha anyi badi mua kudifundisha dituku didibu bafila mpala.
Bilondeshila kanungu ka 202 ka meyi a masungula, badi ne tshiakufila mpala yabu ku bilo bia Cei, badi ne tshia kufunda mukanda ku bianza mutua tshiala kudi muntu nkayenda, kudi ne tshiakuikala CV ujika ne tshiambilu tshia ne bionso mbidi mufunda ebi mbilelela .
kudi ne tshiakuikala photo mikesa 4, tshimanyinu tshia tshisumbu tshia tshididi, udi muakukumbaja mbituebi mukanda wa kuleja difila dia mpala, kalata ka basungudi, mukanda wa diledibua. mukanda udi uleja ne mufuta makuta mu difueta dia mbulatadi adibu kabayi mua ku mupingajila to, binunu makumi abidi ne binayi bia mfualanga ya muena congo. ne mukanda mufunda kudi balombodi ba tshisumbu tshia tshididi udi ujadika ne mbitaba bua kufilaye mpala.
Elysée : Richard Junior kamunga bua kujikija lelu, vote mena ya ba bougmestre ne ba bougmestre adjoint ne yenzeka mushindu kayi ne nebatela bipeta bishi ?
RJK: Elysée Tshikota, mbimpa kuleja ne masungula a ba bougmestre ne ba bougmestre tshindondi. masungula aa adi muakuenzeka matuku asatu kunyima kua diteka mu nkuasa dia kasumbu ka bafidi ba ngenyi ba mu tshimenga. masungula adi enzeka mu musokoku, padi bia bisatu bia bafidi ba ngenyi bikala koku, bungi buabu bobu kabuyi bukumbana to, badi ne tshia kubikila tshisangilu tshikuabu mu matuku abidi adi alonda, dituku adi nansha bantu bobu kabayi bakumbana to tshisangilu tshidi amu tshibuela. mufidi wa ngenyi yonso udi amu ne tshia kuela kakanda kamua.
Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected]
Bikudimuna mu Tshiluba kudirnRichard Junior kamungarnJournaliste Radio Okapirn081 603 74 66
