Fichier audio : téléchargez Flash pour écouter.
” Mushindu kayi wikala masungula ne bua kuenzeka ne mudimu wa ba ntemu ne babandidi mu bilo bia masungula ? ”
* Richard : elysee, ne tuleja ne muaku masungula udi unvuija disungula dia muntu kampanda udi mufila mpala wende ku masungula. Bilondeshile meyi ne mikandu bia matuku 6 tshidimu etshi too ne matuku 9 ngondo muisatu tshidimu etshi, adi aleja dilongolola dia masungula a balombodi ba ditunga, ba tshipuita munua nfuanka, balombodi ba ma commune munda mua ditunga dia congo dijima, masungula adi enzeka kudi muntu nkayende. Ne kabena mua kuenza masungula mu difundilangana dia mukanda anyi kupitshila kudi muntu kampanda nansha. Bua bidi bitangila dienza dia masungula, bidi mushindu ewu : udi ufika mu bilo bia masungula, ku tshibueledi udi ne bua kuleja mukanda webe wa busungudi anyi carte d’electeur kudi ba assesseurs bikala biabo ne bua kutangulula bua kujadika bua ne dina diebe didi disangadibua ku mena a bantu badibo bafunda mu bilo ebi. Kunyima mulombodi wa bilo ne akupesha mukanda wa masungula anyi bulletin de vote. Udi uya mu isoloir muaba wikala ne bua kusungula nkayebe muntu udi musua. Kunyima udi ubunya bulletin bia masungula bua kusokoka dina dia muntu udi musungula.
Kunyima udi mua kupatuka mu isoloir ne kusema ku urne, kumpala kua ba ntemu bua wewa kubueja mukanda webe wa masungula mu urne. Kunyima udi ne bua kutua tshiala muaba udi dina diebe difunda. Pikala muntu kena mumanya mua kutua tshiala, udi utua tshiala tshiebe tshia munu. Kumpala kua kupesha musungudi mukanda wende wa masungula, mulombodi wa bilo bia masungula, udi wela musungudi ewu mayi ku munu wende adi aleja ne muntu ewu muusungula.
” Elysee : richard junior tudi mua kumanya kunyima kua masungula, tshipungu tshibidi ne tshikala tshinyi ? ”
* Richard : elysee, bilondeshile meyi ne mikandu bia masungula, mu tshikondo tshidi masungula majika, kudi tshipungu tshia dibala dia bulletin bia vote ne kumanya bipeta bia masungula. Dibala edi didi dienzeka kumpala kua ba ntemu ne babandidi ba ditunga ne ba matunga meyi.
” Elysee : richard bua kujikija bua dituku dia lelu, tunvuija ba ntemu ne babandidi ba nganyi ne mudimu wabu mu bilo bia masungula mudimu kayi ? ”
* Richard : elysee, ntemu muena congo yonso udi mupesha bukokeshi kudi candidat indépendant, tshisumbu tshia tshididi nansha nsangilu wa bisumbu bia tshididi ne mujadika kudi kasumbu kadikadile ka masungula bua kubandila midimu ya masungula. Udi ne bua kutua tshiala tshidibo babikila ne procès-verbaux ne udi ufundamu malu adiye mumona. rnMubandindi yeye udi biende muena congo nansha muena mu ditunga dikuabo udi mupeshibua bukokeshi kudi ndongoluelu kampanda ne mujadika kudi cei bua kubadila midimu yonso ya masungula. Bua bidi bitangila mudimu wende, meyi ne mikandu ya masungula adi ajadika ne ba ntemu ne babandidi badi ne bua kubandila ku midimu yonso ya masungula, dibala dia bungi bua tukanda tua masungula. Bantu aba ki bena mu bilo bia masungula too, ne kabena mua kufila biabo diyi diabo pa mapangadika kampanda adi mua kuangatshibua. Tumanya ne ba ntemu badi mu bujitu bua aba badi babasungula, kadi mubandidi kena mu bujitu bua mbulamatadi mu congo nansha bua kasumbu kadikadile ka masungula. Anu dikubibua diende ke didi dienza kudi bukalenga bua ditunga. Dipanga kuikala dia babandidi mu bilo bia masungula, kadiena kabingila ka dibenga kuitaba masungula nansha.
Texte de SAMUEL KATSHAKrnOndes Courtes 3è HeuresrnTél. : 00243998909787rnExt. : 6961rnE-mail : [email protected] [email protected] mu tshiluba kudi rnElysee Tshikota, rnjournaliste radio okapi kinshasa.
00243818996544
