Fichier audio : téléchargez Flash pour écouter.
” Masungula a cipungu cibidi a mfumu wa ditunga, ne akumbane bua kupatula mfumu mupia mupia wa ditunga anyi, kudi cipungu cisatu nansha cinayi ? ”
* Ndi mbanga kuandamuna lukonko lua ndekelu. Cipungu cisatu ne cinayi cia masungula a mfumu wa ditunga kaenaku to. Bitupa ebi kabiena bilongolola nansha, Cibungu cia meyi makulu a ditunga, nansha mukenji wa masungula a ditunga dia CONGO, bidi bilongolola amu cipungu ciakumpala ne cibibidi cia masungula a mfumu wa ditunga. Mikenji ibidi nakufuma kuditela eyi, kayena milongolola cipungu cikuabo cia pamutu nansha. Kabidi, bilondeshile makebulula menza, kakuena ditunga nansha dimue dia mu buloba bujime ditu dikadi dilongolole masungula a mfumu wa ditunga mapite pa bipungu bibidi. Mishindu ya masungula yidi yabungi mu buloba bujime. Nansha nanku kayitu mianji kupita pa bipungu bibidi nansha. Mukenji wudi ulongolola masungula udi uleja nenku : « udi musungudibu mfumu wa ditunga, udi ewu mupite bakuabo ku bungi bua meyi a tudi tuela. Tuambe ne bia palukama 50, kusangisha ne kaci kamue. Bikalaku kakuyi, muntu nansha umue udi mukumbaje bia palukama 50 ne kaci kamue kapicisha, mu cipungu cia kumpala, badi ne bua kuya ku cipungu cibidi musangu emu. Cibungu cia meyi makulu a citunga cidi ciamba biamomumue.
” Bua mpindiewu tudi batuishibue bonso bua se, mfumu wa ditunga udi ne cia kupatuka mu cipungu cibidi ? ”
* Bulelela mene mene, kakuena cidi mua kupumbisha bua kupeta mfumu wa ditunga mu cipungu cibidi. Bukuabo bualu budi mua kumanya budi bua se, cipungu cibidi cia masungula a mfumu wa ditunga adi wowo ne mikenji mishilangana ne a cipungu cia kumpala. Mu cipungu cia kumpala, bivua bilombibue bua kuikala ne bia palukama 50, kusangisha ne kaci kamue. Kadi emu bidi bikengela bua kuikala ne tuci tupite tua mukuabo bungi. Cibungu cia meyi a ditunga ne mukenji wa masungula udi uleja bionso patoke. Cidi cileja ne, bua kuikala musungudibue mfumu wa ditunga, bidi bikengela bua wikala ne mici yabungi kupita mukuabo.
Texte de DONAT MADIMBArnTaduction Tshiluba de rnCaniche MUKONGO«Shambuyi»rn [email protected] [email protected]
