" Inki mutindu campagne samu na kitini ya zole ya kuponama ya mfumu ya insi ta salama ? "

” Inki mutindu campagne samu na kitini ya zole ya kuponama ya mfumu ya insi ta salama ? ”

* Matondo na nge mangi ………, nge fwete zaba nde campagne ya kuponama kele salamaka na ntwala ya bisalu ya kuponama. Ba ke pesaka ntangu yina na bimvuka ya politique ti na ba candidats samu na kumonisa mabanza na bawu na nkangu samu ba pona bawu.
Kansi benu fwete zaba nde luswaswanu kele kati ya yina ba ke bokila campagne electorale officielle ti campagne ya kupononama yina bantu nionso zaba.
Campagne electorale officielle kele campagne yina ke salamaka mutindu ke lomba ba nsiku y ainsi. Ya zola tuba ya kele ntangu yina ba me bongisa samu ba candidats kuisa luta na ba inzo ya kupanza ba nsangu samu na kusonga nkangu mabanza na bawu.
Na yawu, ba candidats nionso fwete vuanda ti ba minutes ya mutindu mosi na ntangu bo ke luta na ba radios ti ba televisions.
Na insi ya Rdc, Haute Autorites des Medias muntu ke na kiyekwa ya kulandila bisalu yina samu bantu kuisa zitisa ba nsiku.
Samu na ku[ponama ya ba ntumwa ya nkangu to ba deputes ya bizunga, Cei me pesa bilumbu makumi tatu samu na campagne na bawu.
Ya zola tuba kubanda kilumbu ya makumi zole na nana ya ngonda ya ivua na minuit tii na kilumbu ya makumi zole na nsambwadi ya ngonda ya kumi na minuit, na kulanda ba nsiku ya bisalu ya kuponama na insi ya Rdc.
Cei me bongisa nde kitini ya zole ya kuponama ya mfumu y ainsi kusalama na kilumbu ya makumi zole na ivua ya ngonda ya kumi. Kuponama yina ta salama mbala mosi ti ya ba deputes ya bizunga.
Campagne ya kitini ya zole ya kuponama ya mfumu y ainsi ta salama na nda ya bilumbu kumi na tanu. Ya zola tuba kubanda kilumbu ya kumi na tatu ya ngonda ya kumi tii na kilumbu ya makumi zole na nsambwadi ya ngonda ya kumi na minuit.
Benu fwana zaba ti, campagne ya kuponama kele nsungi bimvuka ya politique sika mosi ti ba candidats ke sosaka kumonisa mabanza na bawu na nkangu. Bisalu yina ke salamaka na kulanda ba lukanu ya ba nsiku ya kuponama.Na ndambu yankaka, ba candidats fwete zitisa yina ba nsiku y ainsi me tuba. Lufwanusu kubuya kufinga ba candidats yankaka bwela diaka kutuba mambu ya luvunu to kubasisa mavuanga.
Bimvuka ya politique fwete mpe kuzitisa yina bak e bokila code de bonne conduite yina ba tulaka maboko samu ti kuponama salama na ngemba.

” Mpangi Tony Ntumba, nani muntu ke na inswa ya kusala campagne mpe inki mutindu campagne yina fwete salama ? ”

* Ya seleka mpangi…………., ba nsiku ya kuponama ke pesa inswa na muntu nionso yina ke candidat mpe na bimvuka ya politique na kusala campagne.
Article 29 ya ba nsiku ya kuponama ke tuba pwelele nde bantu ya bimvuka ya politique ti ba candidats independants lenda sala ba lukutakanu mutindu ba nsiku ke lomba.
Ba lenda sala ba lukutakanu na bawu na bifulu nionso na kati y ainsi ya Rdc. Kansi, ntete ba ntwadisi ya ba nkinzi yina fwete sonikila ba ntwadisi ya mbanza mukanda samu na kuzabisa bawu nde ba ta sala ba nkinzi. Na ndambu yankaka, ba fwete pekisa nde mavuanga salama na ba nkinzi na bawu. Na ntangu ya ba nkinzi na bawu, ba lenda mpe kutula bizizi ti bifikula na bawu na bibaka mutindu me zabisa ba nsiku ya Cei. Kansi ba nsiku ke pekisa nde ba tula bizizi ti bifikula yina na bibaka ya ba inzo ya kisalu ya to ba companie ya leta.

Texte de SAMUEL KATSHAKrnOndes courtesrnTél. : 00243998909787rnExt. : 6961rnE-mail : [email protected] papykatshak@gmail com

Traduction Kikongo de TONY NTUMBA