- KINSHASA: Na bansangu yayi, beno ta landa kinati ndinga ya dinaka ya Sokola yantete, na mutindu ya makesa ya nsi ke na kuyilama samu na kupesa dilongi ya ngolo na bimpumbulu ya M23 ya ke na kudonda na Bunagana, tuka kintete ya mposo yayi.
- KINSHASA: Mazono, nza ya mvimba banzilaka kilumbu ya bantu ya me ndima samu na kupesa menga na bau na bantu ya ke bela.
- BUKAVU: Nsangu ya Kiese na Kivu ya nsi; balongi ya banzonkanda ya malongi yantete mpe secondaire ta baka batuku tuku ya mfuka. Mukembo yayi lutaka, mazono na mbanza Bukavu.
- MONUSCO: Mpe na ndambu na yau, Monusco ke zaba ve na inki mutindu ya makesa ya nsi ya Ouganda lendaka kusadisa bimpumbulu ya M23 samu na kukota kuna na Bunagana, nkatu ti makesa ya nsi na beto kuzaba yau.
- GOMA: Diambu ya ke na kuluta bubu yayi na Bunagana ke na kubambula beto nionso mbundu na yina ya salamaka, bubu yayi me lunga bamvula kumi ya kaka bimpumbulu yayi ya M23 bakaka Bunangana, na nsadisa ya nsi ya Rwanda.
/sites/default/files/2022-06/1506022-p-k-journalkikongomatin-00.mp3
