- KINSHASA: Kiteso ya bamillion kumi ya ba dollars kele ntalu ya mbongo ya bantu ya ke zingaka banti awa na nsi na beto zolaka kufuta mbula matadi, katuka mvula mafunda zole na kumi na iya ti na mvula mafunda zole na zole, kansi ya me pesamaka ve me zabisa mukanda ya IGF.
- GOMA: Na nsangu ya mavimpi, kimbefo ya meningite me basika diaka ngolo na Territoire ya Walikale na Kivu ya zulu.
- MBUJI-MAYI: Kaka na bansangu yayi, beto ta kwenda na Kabinda samu na kutubila kutungama ya Usine samu na kusala mafunda ti nguba.
- JEAN-PIERRE LACROIX: Bisalu ya Onu vutulaka matondo mpe lukumu mingi, mazuzi na mbanza Goma na makesa nana ya Onu ya bakaka lufwa na nima ya kubwa ya paka paka ya vandaka ke nata bau na Territoire ya Rutshuru. FARDC-M23: Mpasi yankaka na nima ya kunuana na kati ya makesa ya nsi, mpe bimpumbulu ya M23, na ndambu ya Tchanzu, kele ya mabuta mingi ya me tina babwala na bau.
- BENI : Mpe ya fwana kusimba ti kiteso ya mabuta mafunda zole ya tinaka mvita ya kele bubu yayi na Oicha, bwala ya kimfumu ya Territoire ya Beni ke na kuzinga bubu yayi na mpasi kuluta samu na kukonda lusadusu tuka luyantiku ya mvula yayi.
/sites/default/files/2022-04/0404022-p-k-journalkikongomatin-00.mp3
