- KINSHASA: Na bansangu yayi, beto ta tubila lukutakanu ya ta simbama, bubu yayi, na mbanza Nairobie na nsi ya Kenya samu na yayi me tadila kuvutuka diaka ya bimpumbulu ya M23.
- LUBUMBASHI: Na mbanza Lubumbashi, banzo nionso ya ke tekaka petrole me kanga mielo na yau. Kikuma, bantu ya ke tekaka masa yayi ke lomba kubwelama diaka ya ya ntalu.
- MBANDAKA: Ya kele na kilumbu ya mazuzi ya ba nataka na bwala na bau, longoki ya bakaka lufwa na mbanza Mbandaka na kilumbu ya kumi na zole ya ngonda yayi, na nima ya kunuana na kati ya balongoki mpe bapulusi.
- BUNIA: Beto vutuka awa na nsi na beto, mingi na kizunga ya Ituri, wapi na kati ya bantu ya ke na kutina mvita na ndambu ya Komanda-Centre, ya kele na kiteso ya bkm makumi nsambwadi tanu na kukuma na mbanza Bunia, bantu uvua me baka lufwa, kaka na nima ya bilumbu tanu.
- KISANGANI: Na kizunga ya Uélé ya zulu, ngemba me vutuka na Groupement ya Logo-Lolia, ya kele na Territoire ya Faradje, mpe na Groupement ya Kaliko-Omi, ya kele yau na Territoire ya Aru.
- MONUSCO : Kongo Kinshasa, kele ti mfunu ya mingi ya lusadusu, na kutala mvita ya ke na kuluta awa na nsi na beto, me zabisa mbuta Bruno Lemarquis, na dibaku ya masolo ya banzo ya bisalu ya Onu ya kele awa na nsi na beto vandaka na yau ti bapanzi, mazono, awa na bwala kimfumu, Kinshasa.
/sites/default/files/2022-04/2104022-p-kjournalkikongomatin-00.mp3
