- GOMA: Nsangu mingi na suka yayi, kele ya kukwenda na mbanza Nairobi na nsi ya Kenya ya bantwadisi ya bimvuka ya bimpumbulu ya ke nataka mavuanga na Kivu ya zulu, Kivu ya nsi, mpe ya Ituri.
- KINSHASA: Kaka na bansangu yayi, luyalu ya mbuta Sama Lukonde me lungisa mvula mosi; inki ya yau me salaka ?
- KINSHASA: Awa na bwala kimfumu, Kinshasa, ngiuvula ya kele na inua ya bantu mingi, inki mutindu ya banzonkanda mpe bisika ya ba ke nuaka kopo ke tambulaka?
- BANGUI: Masolo yankaka kele yayi ya zibukaka, mazono, kizole na mbanza Bangui na nsi ya Centr’Afrique, samu na kuzabisa diaka na banzo ya bansangu, mingi na kulutisa ve bandinga ya nkabwana na bansinga ya baRadio, na bizizi ya ba Tv, to diaka na bikokila ya mikanda ya bansangu, mingi awa na ntoto na beto y’Afrika ya kati kati.
- BENI : Beto vutuka diaka fioti na kizunga ya Kivu ya zulu, samu na kuzabisa ti bantwadisi ya bimvuka ya nkangu ya kele na nsi ya Territoire ya Lubero, ke na kulanda na kupesa nsangu yayi ya kukuma ya bamai-mai ya Ngolenge na babwala mingi ya Territoire yina ya Lubero.
- LOMAMI : Kizunga ya Lomami, kiteso ya nkama nsambwadi ya bantu me tina kimbeni ya mfinda, mpe ya kimfumu ntoto na bwala Kalubi, ya kele na Territoire ya Miabi, na kizunga ya Kasaï-Oriental.
/sites/default/files/2022-04/2704022-p-k-journalkikongomatin-00.mp3
