Journal Matin

BENI: Makesa ya nsi na beto mpe bankundi nab au ya Ouganda, ba UPDF me wakana samu na kulanda na kunuanisa bimpumbulu ya Adf na kizunga ya Ituri bwela diaka ya Kivu ya zulu.
BUKAVU: Beto ta kwenda mpe na mbanza Bukavu, samu na kutubila kutambula ya nkangu ya salamaka kuna samu na kupesa ngolo na makesa ya nsi ya ke na kunuanisa bimpumbulu ya M23.
KINSHASA: Beto ta tubila mpe kabu yayi ya bisadilu ya minganga ya me pesama na banzo iya ya lusansu awa na nsi na beto.
KINSHASA : Mpe na yayi me tadila mvita ya bimpumbulu ya M23 me kotisaka na kizunga ya Kivu ya zulu, ya kele mama Bintou Keita, mfumu ya Monusco ya me lomba ti mvutu ya ngolo kupesama na nzila ya bisalu ya makesa na nsaka ya konso ntangu ya bimpumbulu yayi ya M23 ke na kusalaka, mpe na nzila ya politiki na masonga nionso, bwela diaka na kusalama ya kieleka ya dinaka ya PDDRCS na konso kizunga.
NEW-YORK : Atako ti luyalu ya nsi ke naa bangolo samu na kuvutula ngemba na ndambu ya Esete ya nsi na beto ; kiadi, bumvuanzi ya bimvuka ya bimpumbulu me vidisaka luzingu ya bantu mingi, na ba Territoire mingi ya kele na ndambu yina ya nsi na beto.

Dans la même catégorie