- KINSHASA: Na bansangu yayi, beno ta landa ndinga yayi ya mbuta Felix Tshisekedi, mpe nkundi nandi Denis Sassou Nguesso na nima ya lukutakanu na bau ya kilumbu ya sabala me luta.
- BUKAVU: Na Kivu ya nsi, beto ta tubila mpasi ya kele na nzila ya Ngomo, wapi kiteso ya matoma nkama tanu me kangama.
- KANANGA: Na kizunga ya Kasai Central, bantumwa ya nkangu me katula mfumu na bau.
- GOMA: Na nzila yayi, mazono, kintete na mbanza Goma, zibukaka lukutakanu ya bamfumu ya makesa ya kimvuka ya bansi ya kele na Esete ya ntoto na beto y’Afrika. Monanaka ve, mfumu ya makesa ya nsi ya Rwanda mpe ya Soudan ya nsi. Bayayi yankaka ya me bikala ta baka sika na masolo yayi ya mfunu kuluta, na kulanda nsangu ya me katuka na ndambu ya bisalu ya mfumu ya Kivu ya zulu.
- BUTEMBO : Na kizunga ya Ituri, kuna kele bimpumbulu ya ba Adf ya fwaka bantu makumi zole ; wapi na kati na bau ke monana bankento nana, mpe ba zikisaka kiteso ya banzo makumi tatu. Diambu ya salamaka na lumingu me luta na bwala Otmaber na Territoire ya Irumu.
- KANANGA : Na kizunga ya Kasaï-Central, bantumwa na yau ya nkangu bakaka lukanu, mazono, kintete samu na kukatula ntwadisi na bau ; ntwadisi ya nzo na bau ya kinzonzi, mbuta Jérôme Muntu. Ba ke na kufunda yandi na kuzaba ve kisalu.
/sites/default/files/2022-06/0706022-p-k-journalkikongomatin-00.mp3
