- KINSHASA: Nsangu ya nene na suka yayi kele ya kukuma, mazono, awa na mbanza Kinshasa ya ntotila ya Belgique, mbuta Philippe, mpe nkento nandi, Mathilde.
- BUNIA: Mpe beto ta kwenda na kizunga ya Ituri, wapi bimpumbulu ya Codeco kotilaka bwala mosi.
- KINSHASA: Na Senat, na dibaku ya kulonguka diaka mbote mbote nsiku ya me tadila bisalu ya kuponama, bantumwa ya Fcc basikaka.
- RDC-Belgique: Mbala yankaka beno ke na kuzaba yau ve, na dibaku ya nzietelo yayi ya kisalu ya ntotila ya Belgique ke na kusala awa na nsi na beto, Radio na beno ya Ngemba, Radio Okapi me bongisa manaka mingi samu na kusosa kuzaba inki mutindu ya ngwakana kele bubu yayi na kati ya bansi nionso zole yayi?
- KIKWIT : Kizunga ya Kwilu ; nkangu ya mbanza Kikwit kele na mpasi ya ngolo samu na kubumba bamvumi na banzo ya madidi. Kikuma, kukonda ya mwinda ; mpe kubaka lukanu ya kutula mvumbi na nzo ya madidi, kaka mosi ya mbanza Kikwit kele na yau, ta lomba mbongo mingi.
/sites/default/files/2022-06/0806022-p-k-journalkikongomatin-00.mp3
