- BUKAVU: Mutindu ya beto zabisaka yau, kele mazono, lumungu ya ntotila ya Belgique mpe nkento manisaka nzietelo na bau ya mwa bantangu na mbanza Bukavu na Kivu ya nsi.
- HOPITAL YA PANZI: Munganga Denis Mukwege, wapi ntotila yayi ya nsi ya Belgique, mbuta Philippe mpe nkento nandi kundaka ve na kukuma mazono, lumingu kutala nzo ya lusansu ya Panzi, na mbanza Bukavu, wapi ke salaka, ya kieleka, munganga Denis Mukwege, ya bakaka mpalata ya lukumu ya nza na mvula mafunda zole na kumi na nana.
- GOMA: Beto balula disu ntangu yayi na Kivu ya zulu, wapi bwala ya Bunagana kele kaka na maboko ya makesa ya nsi. Nsangu ya kinati ndinga ya dinaka ya Sokola ya zole, lieutenant-colonel Njike Kaiko, me pesa. Ya kieleka, nsangu kele ya mbote samu na makesa ya nsi kuna na sika ya mvita.
- SCHNAKENBERG : Na mvita yayi ya nsi ya Rwanda me kotisaka ntoto na beto ya Kongo Kinshasa na nzila ya bimpumbulu ya M23, ya kele luyalu ya Allemagne ya me lomba na bansi nionso ya me kabulaka bandilu ti nsi na beto na kunina kimpwanza ya Kongo Kinshasa.
- PROCES BEYA : Na yayi me tadila kusamba ya mbuta Francois Beya, nzo ya nene ya masonga ya makesa me buya na ntima mosi ya zola ya banzonzi ya mbuta yayi samu na ba ya mbula yandi samu na mwa bantangu.
- BUTEMBO : Na kizu ya zulu, mingi na mbanza Butembo, ntalu ya essence me mata. Na sika ya mafunda tatu ya Fc, littre mosi me kuma kutekama na mafunda tatu na nkama zole ya Fc.
/sites/default/files/2022-06/1306022-p-k-journalkikongomatin-01.mp3
