- Na bansangu yayi, beno ta landa kubokuta ya bantumwa ya nkangu ya Kivu ya zulu ya ponamaka na Territoire ya Rutshuru, mingi na nima ya bumvuanzi ya bimpumbulu ya M23 kotisaka na Tchanzu.
- Mpe na Kivu ya nsi, ya kele mbuta ya luyalu ya ke talaka mambu ya lukengelo na nsi mpe nkundi nandi ya ke talaka mambu ya makesa ya ke na kusolula ti nkangu.
- Kiteso ya mafunda makumi iya, kele ntalu ya bantu ya tinaka mvita, mpe ya me vutuka na Nyankunde bwela diaka na Marabo
- Na mbanza Bukavu, malongi me banda na kuvutuka na banzonkanda ya dibundu ya Catholica mpe ya Missionni.
- Kansi, na kizunga ya Ituri, mingi na Territoire ya Aru, to diaka na Mambassa, balongi kele kaka na banzo na bau.
- Na kizunga ya Lomami ya zulu, lukutakanu ya nkangu yak e zingaka na Territoire ya Kanyama me sepela mingi kisalu ya ba kuluna ya katukaka na bwala kimfumu, Kinshasa mpe ya bau tindaka na Kanyama Kasese ke na kusala
- Na kizunga ya Kwilu, mingi na Territoire ya Gungu, nsangu kele ya kimbefo mosi ya me zabana ntete ve ya me pesa lufwa na bana nkama zole na makumi nana na mosi, na kati ya mafunda iya na nkama nana na makumi nana na mosi ya me bakaka yau
/sites/default/files/2021-11/1011021-p-k-journalkikongomatin-00.mp3
