Journal Matin

 

  • KINSHASA : Na bansangu yayi, beto ta tubila lukutakanu ya vukisaka, mazono, na mbanza Luanda na Angola, mfumu ya nsi, mbuta Felix Tshisekedi mpe nkundi nandi ya Rwanda, Paul Kagame.
  • MBUJI MAYI : Awa na nsi, beto ta losa disu na bisalu ya kubongisa babala bala ya mbanza Mbuji-Mayi ya me yantika.
  • BENI : Kaka na bansangu yayi, beto ta sosa kuzaba inki mutindu ya nsomo ya Enafep lutaka na Walikale mpe na Lubero, na Kivu ya zulu.
  • BUNIA : Na kizunga ya Ituri, ya kele bamfumu ya dikanda ya ba Lendu mpe ba Hema me ndima samu na kumanisa maswana, bimbeni na bau samu na kusosa kuvutuka ya ngemba kuna na kizunga na bau.
  • LUBUMBASHI : Beto manisa bansangu yayi na kizunga ya Katanga ya zulu, wapi ti na kilumbu ya bubu yayi ntalu ya bantu ya me bakaka kimbefo ya coronavirus kele ya mafunda sambanu na nkama nsambwadi na makumi iya na sambanu ; wapi na kati na bau nkama mosi na makumi tanu na iya kele diaka ve na luzingu na beto bantu.
  • UVIRA : Na Kivu ya nsi, nzo ya nza ya ke landilaka mambu ya bantu ya me tinaka babwala na bau samu na bankindu nataka, mazono bana ya nsi ya Burundi nkama zole na makumi tanu ya lombaka kuvutuka na ntoto ya bankaka na bau.

/sites/default/files/2022-07/0707022-p-k-journalkikongomatin-00.mp3