Journal Matin

 

  • GOMA : Bansangu ya suka yayi ta nata beto ntete na Kivu ya zulu, wapi mikanda ya Examen d’Etat ya me yokama tiya na nzo mosi ya bisalu ya bapulusi na Burumbu na Territoire ya Masisi.
  • BUTEMBO : Kaka kuna, kansi ntangu yayi na mbanza Butembo, ntalu ya littre ya essence me mata ngolo.
  • KABINDA : Mpe na kizunga ya Lomami, nsangu kele ya nzietelo ya kisalu ya kimvuka mosi ya BCCO ke na kusala kuna.
  • KINSHASA AFFAIRE BUKANGA LONZO : Kansi ntete nsangu yayi ya diambu ya Bukangalonzo, kele na kilumbu ya makumi zole na mosi ya ngonda yayi ya beto ta zaba kana ti nzo ya masonga ya Cour de Cassation ta sambisa to ve mbuta ya Senat, Matata Ponyo, Patrice Kitebi, ntwadisi ya ntama ya Fpi mpe mwana ya ntoto y’Afrika ya nsi, Krobler Christo, ntwadisi ya Compagnie Africom.
  • BUNIA : Beto kwenda ntangu yayi na kizunga ya Ituri, wapi kiteso ya mabuta mafunda makumi zole na tanu ya tinaka bumvuanzi ya bimpumbulu ya Codeco na Territoire ya Djugu, mpe ya me yambamaka bubu yayi na mabuta ya bantu na Territoire ya Aru, ya ke na kuba lusansu ya mpamba na banzo nionso iya ya mavimpi ya Territoire ya Aru kele na yau.
  • KALEMIE: Kiteso ya makumi zole, beno simba yau, kele ntalu ya bisalu ya mutindu na mutindu ya mbula matadi ya ke salaka na dibungu ya mbanza Kalemie na kizunga ya Tanganyika.

/sites/default/files/2022-07/1507022-p-k-journal_kikongomatin-00.mp3