1. Goma : Nzo ya mbula matadi ya ke talaka mambu ya ba miongo ya ke basisaka tiya, OVG na nkufi me pesa nsangu ya kutoka ya poto poto ya tiya ya kele na mongo ya Nyamulagira ; kansi kigonsa kele ntete ve.
2. Mbandaka : Na kizunga ya Ubangi ya zulu, ba Quartier mingi ya mbanza Gbadolite me dinda na mpela.
3. Mbuji-Mayi : Nsangu ya kiese na nzonkanda ya malongi ya ba pulisi na Tshipuka me zwa masa ya bunkete.
4. Bukavu : Bankisi yankaka diaka samu na kupesa mangwele samu na kutita kimbefo ya Coronavirus me kuma na mbanza Bukavu.
5. Matadi : Na kizunga ya Kongo Central, nsangu kele ya kukwamina ya Typhoide, mingi na Kisantu. Kele mingi na nsungi yayi ya kimbefo yina ya Typhoide ke basikaka.
6. Butembo : Na Kivu ya zulu, bimvuka ya nkangu ya kele na mbanza Butembo ke na kutita kukota ya bambeni na mbanza na bau, na kutala bamambu ya mbi yak e na kusalama kuna ; yau me lunga bubu yayi bangonda zole.
7. Kinshasa : Na masolo ya banzo ya nza ya kele awa na mbanza Kinshasa vandaka na yau, mazono awa na Kinshasa ti bapanzi nsangu, ya kele mama Awa Ndaye Seck ya ke landilaka mambu ya bamama bulaka nkoemi na mesa samu na kifu ya mbi ya kubaka bankento na ngolo.
8. Bukavu : Beto ta kwenda diaka na mbanza Bukavu samu na kumonisa kiese ya Synecath na mutindu ya kimvuka ya ke landilaka mambu ya balongi ya mavimpi me zibuka.
/sites/default/files/2021-11/1811021-p-k-journalkikongomatin-00.mp3
