- Kinshasa : Bantu kumi me baka lufwa na kututana ya ba baleiniere zole na nzadi ya Kongo, na ndambu ya Mambutuka, pene pene ya Maluku.
- Banganga mayele ya Monusco ke na kusaka kintwadi ti bisadi ya OVG samu na kukengela miongo ya tiya ya Nyiragongo mpe Nyamulagira. Na kutuba ya nganga mayele mosi ya Monusco kigonsa ntete kele ve na mutindu ya midinga ya ke na kubasika kuna na Nyamulagira.
- Ervebo kele nkisi ya mpa ya me ndimama samu na kupesa mangwele ya Ebola na mbanza Beni ; mangwele ya ta yantika na mposo yayi.
- Uvira : Mpe na kizunga ya Kivu ya nsi, makesa ya nsi, kintwadi ti ya Monusco ke na kutambula tambula na ndambu ya miongo ya Uvira samu na kutanina nkangu, mpe na kusosa kuzaba bisika ya bansukami kele.
- Kisangani : Na mbanza Kisangani, kigonsa kele mingi samu na Compagnie ya SOTEXKI ya lenga kukanga mielo na yau.
- Bukavu : Kitembo kele diaka ve na mbanza Bukavu, mfumu ya kizunga me katuka na kubasisa mukanda ya nsiku, mingi na yayi me tadila ntalu yam bongo ya balongoki fwete kufuta.
- Bandundu : Na kizunga ya Mai-Ndombe, ntwadisi ya nzo ya nene ya buloko ya Iyombe na Inongo me lomba ti ba bongisa nzo yin aya nkodi ya me bebaka mingi.
/sites/default/files/2021-11/1911021-p-k-journalkikongomatin-00_.mp3
