- Kinshasa : Mbuta Jean Bosco Puna me lomba na balongi na kuvutukila kisalu na bau na suka ya bubu yayi.
- Kindu : Na kizunga ya Maniema, ya kele mingi banzonkanda ya dibundu ya Catholica ya ta vutukila mpe malongi na bau.
- Goma : Na bansangu yayi, beno ta landa mabanza ya bimvuka ya bantumwa ya balongi na nima ya mukanda ya ngwakana ya tulamaka maboko na kati na bau ti mbula matadi.
- Bukavu : Samu na yayi me tadila mbongo ya balongoki fwete kufuta na mvula yayi, mama, mbuta ya luyalu ya kizunga ya Kivu ya nsi me lomba na bibuti ya bana na kusolula ti bantwadisi ya banzonkanda.
- Bunia : Kele na sabala yayi ya lusambusu ya pulusi ya fwaka nkundi nandi na mbanza Bunia ta yantika.
- Kisangani : Na kizunga ya Uele ya nsi, kuna ya kele mbuta ya luyalu ya kizunga ya ke talaka mambu ya bamfinda, masa mpe bivanga ya nzambi ya me lomba na Tropen Bos Pax mpe Apru na kusolula ti nkangu na mbanza Buta na yayi nionso ya me tadila banzenza ya Mbororos ya ke twilaka bibulu.
/sites/default/files/2021-11/2211021-p-k-journalkikongomatin-00.mp3
