- Bunia : Na kizunga ya Ituri, kiteso ya bantu nkama zole na makumi zole ya me kangamaka na buloko ya nene ya mbanza Bunia me baka mingi bimbefo ya kufulumuna na mpasi, wapi Monusco me pesa kabu ya bankisi, mazono.
- Bunia : Kaka kuna na kizunga ya Ituri, makesa ya nsi me botula bwala Drodro ya vandaka na maboko ya bimpumbulu tuka kilumbu ya lumingu.
- Butembo : Na kizunga ya Kivu ya zulu, bimvuka ya nkangu me lomba na bantu nionso na kuwakana ti bisalu ya lukengelo ya nsi, samu ti bisalu ya kunuanisa bimpumbulu na mbanza Beni kuluta mbote.
- Kinshasa : Mazono, awa na bwala kimfumu, Kinshasa, bapulusi kangaka nzila na bantu ya Milapro, Calcc, Fcc ya vanda mpe ya Lamuka ya zolaka kumonisa nganzi na bau na ntwala ya CENI samu na kusosa kukatuka ya ntwadisi na yau, Denis Kadima.
- Mbandaka : Na kizunga ya Equateur, ngemba kele ve na kati ya dikanda ya ba Ngombe mpe ba Mongo na bwala Djombo ya kele na Territoire de Basankusu. Kimbeni ya kimfumu ya Secteur ke na kusisa menga ya bantu.
- Kananga : Na Kasaï-Central, kiteso ya bana bankento ya fioti nkama sambanu na makumi zole na iya bakamaka na ngolo kaka na mvula yayi na kulanda bansangu ya kimvuka na zina ya LIZAADEL.
- Beni : Na mbanza Beni, kigonsa kele mingi na mbanza Beni na nsungi yayi ya bana ke kangaka bampasa, to kutimuna banzenze na mpimpa.
- Kinshasa : Nzo ya kinzonzi me monisa kubokuta na yau na mutindu ya muyibi ya matadi ya ntalu ke na kusalama na Mwenga na Kivu ya nsi.
/sites/default/files/2021-11/2311021-p-k-journalkikongomatin-00_le_bon.mp3
