1. Kinshasa : Na nima kubasika ya kinsweki ya muyibi ya mbongo na ntangu ya luyalu ya mbuta Joseph Kabila, na kubasika ya mukanda na zina ya Congo Hold up, luyalu me zabisa ti bau ta landila diambu yayi na nzila ya bazuzi.
2. Kinshasa : Mwa kimvuka ya nzo ya kinzonzi yak e landilaka mambu ya bimvanga ya nzambi bokilaka ntwadisi ya Regideso, mingi na diambu ya mpasi ya masa ya bunkete ya ke na kumonana na bandambu nionso ya nsi na beto.
3. Kinshasa : Binati matoma awa na mbanza Kinshasa, mingi bayayi ya ba Bus ke na kubokuta na mutindu ya bisalu ya mbula matadi ke na kumwesa bau mpasi na banzila.
4. Mbuji-Mayi : Nsangu ya kiese na mbanza Mbuji-Mayi, bantu yak e zietaka na ba Avion lenda diaka kunata bakilo makumi zole y abima nkatu kufuta mbongo, mingi na kati ya ba Avion ya CAA.
5. Kinshasa : Kaka na bansangu yayi, beto ta tubila kubokuta yayi ya ntwadisi ya bisalu ya kupesa lusadusu na bansukami, na mutindu ya kifu ya kufwa bantu me vutuka diaka ngolo na kizunga ya Ituri.
6. Bukavu : Na Kivu ya nsi, bimvuka ya nkangu yak e landilaka mambu ya bamfinda, masa, me sepela mingi na kisalu ya makesa ya nsi, ya bankengi ya mfinda ya nsiku, bwela diaka bapulusi ke na kusala samu na kuvutula ngemba na mfinda ya nsiku ya Kahuzi-Biega.
7. Matadi : Na kizunga ya Kongo Central, bimvuka ya nkangu me lomba na mbula matadi na kusosa mpe na kukanga bantu ya tinaka na buloko ya mbanza Matadi.
8. Beni : Na mbanza Beni, nsangu kele ya luyantiku ya lusambusu ya ntwadisi ya makesa ya nsi ya nataka mavuanga ya institut Bungulu kuna na mbanza Beni.
/sites/default/files/2021-11/2411021-p-k-journalkikongomatin-00_le_bon.mp3
