1. Bunia : Bamvumbi ya bantu makumi zole na tatu monanaka, mazono, mingi na nima ya bumvuanzi ya bimpumbulu ya ba Adf salaka na bwala Ndengesa, Tchabi na kizunga ya Ituri mpe na bwala Vido, ya kele na ndilu ti kivu ya zulu.
2. Butembo : Mpe na Kivu ya nsi, ba mai mai nuanisaka makesa na bisika zole ya bau kele na mbanza Butembo, mpe na mwa ntoto ya Bashu.
3. Kinshasa : Bubu yayi kele luyantiku ya malongi ya me bongisama bilumbu kumi na sambanu ya mvimba sambu na kutubila kifu ya mbi ya kubaka bankento na ngolo.
4. Lubumbashi : Na kizunga Lomami ya zulu, luzingu ya bantu ya buloko kele mpasi mingi na nzo ya nkodi ya Malemba Nkulu.
5. Bukavu : Na Kivi ya nsi, nsangu kele mingi yayi ya bau me tinda na mbanza Bukavu, mingi na buloko na yau, bantu ya buloko ya Territoire Kabare.
6. Kinshasa : Awa na bwala kimfumu, Kinshasa, nsangu kele yayi ya masolo ya ntwadisi ya dibubdu ya Catholica vandaka na yau na nkokila ya mazuzi ti bambuta yankaka y ambula matadi, bonso Christophe Mboso, Modeste Bahati, Sama Lukonde, to diaka nsadi ya mfumu na mambu ya ngemba.
7. Kinshasa : Bambuta ya CALCC mpe ya MILAPRO me bokuta mingi na mutindu ya nzo ya masonga ya nene ya Gombe me binga mbuta Jean-Bosco Lalo, ntwadisi ya Calcc samu na kusambisa yandi.
8. Kinshasa: Lukutaknu na zina ya DRC Business Forum ya zibukaka, mazono na lutwadusu ya mfumu ya nsi ta mana bubu yayi.
9. Kananga : Na nsangu ya mavimpi, kimbefo ya fievre jaune me basika na Territoire ya Mweka na kizunga ya Kasai Central.
/sites/default/files/2021-11/2511021-p-k-journalkikongomatin-00.mp3
