1. Kinshasa : Lukutakanu na yayi me tadila babakala ya kele na bumuntu, bifu ya mbote samu na kupesa malongi na bankundi na bau yankaka na kubuya mvimva mvimba kifu ya kubaka bankento na ngolo zibukaka, mazono, awa na mbanza Kinshasa.
2. Bukavu : Mpe munganga Mukwege ya bakaka kabu ya lukumu ya nza samu na bisalu ya kusansa bankento ya me bakaka mpasi na nima ya kubakama na ngolo, yandi bakaka ndinga mpe mazono na kuzibuka ya malongi ya bilumbu kumi na sambanu samu na kulomba na bantu na kubuya diambu yayi ya kubaka bankento na ngolo.
3. Kinshasa : Bimpumbulu ya ba Adf ke fwaka ve kaka bantu ; kansi mpe kimvuama. Na mutindu yayi, ntumwa ya nkangu Jadot Mangwengwe me lomba na mbongo yayi ya luyalu me bongisa samu na mvula ke kwisa, na kutala mpasi ya nkangu ya Beni, na yayi me tadila bitadi ya kufuta.
4. Beni : Na nima ya mwa mavuanga ya lutaka, ya kele bantumwa ya balongi ya me lomba kuvutuka ya nzonkanda.
5. Kindu: Na kizunga ya Maniema, ba me lomba na bana nionso; babakala to bankento na kutanga.
6. Kwilu : Na kizunga ya Kwilu, mbuta ya luyalu ya ke talaka mambu ya mavimpi ke pesa ntendula na kimbefo mosi ya me basika na Territoire ya Gungu mpe ya pesa lufwa na kiteso ya bana nkama tatu, na kati ya mafunda kumi ya me baka yau.
7. Bunia : Na kizunga ya Ituri, bimpumbulu ke na kumwesa mpasi na bantu ya tinaka mvita mpe ya kele bubu yayi na bisika tatu y ambula matadi me bongisaka.
8. Beni : Kutita yankaka ya mingi kele na Zone ya mavimpi ya Oicha.
/sites/default/files/2021-11/26112021-p-k-journalkikongomatin-00.mp3
