Bubu yayi, nza na beto bant uke banzila diaka kigonsa ya kele na kimbefo ya Sida ; mpe awa na nsi na beto, mingi na kizunga ya Kivu ya nsi, nzo ya mbula matadi ya landilaka kimbefo yayi me bongisa malongi mingi.
Na Kivu ya zulu, mingi na ndambu ya Beni, makesa ya nsi na beto mpe ya nsi ya Ouganda ke bula masasi tuka kilumbu ya mazono na biska ya bimpumbulu ya ba Adf me swekaka.
Bambisi mingi ya piodi ya katukaka na nsi ya Namibie kumaka, mazuzi na mbanza Matadi na kizunga ya Kongo Central. Yau ta sadisa mingi na nsungi yayi ya nkinsi ya nsuka ya mvula.
BENI : Mpe na yayi me tadila diaka kimbefo ya Ebola ya me vutukaka na ndambu ya Beni, nsangu ya kiese bubu yayi, ata muntu mosi diaka ve me bakaka yau.
FARDC : Mpe na yayi me tadila nsangu ya kuvutuka ya ngemba na ndambu yina ya nsi na beto, ya kele makesa ya nsi mpe ya Ouganda bulaka masasi ya ngolo na suka ya mazono na bisika ya bimpumbulu ya ba Adf me swekaka na mwa ntoto ya na Territoire ya Beni, mingi na ndilu na kati ya nsi ya Ouganda mpe ntoto na beto ya Kongo Kinshasa.
BUNIA : Kizunga ya Ituri ! kunuana ya ngolo ke na kuluta na kati ya makesa ya nsi mpe bimpumbulu ya Codeco na babwala bonso Dhera bwela diaka Libi na Territoire ya Djugu.
BUNIA : Beto bikala kaka kuna na kizunga ya Ituri, wapi ntalu ya bantu bakaka lufwa na bumvuanzi ya bimpumbulu ya Codeco salaka na Ame na Territoire ya Mahagi me kuma kumi na nana.
/sites/default/files/2021-12/0112021-p-k-journalkikongomatin-00.mp3
