- KINSHASA : Na bansangu yayi, beto ta tubila ndinga ya mfumu ya Monusco, mama Bintou Keita bakaka na ntwa ya bambuta ya kimvuka ya ngemba ya Onu.
- KINSHASA : Kaka na bansangu yayi, beto ta tubila nkanu ya nzo ya masonga ya basisa mbuta Vital Kamerhe na buloko ya Makala.
- UVIRA : Nsangu ya mavimpi na Kivu ya nsi ; kimbefo ya pulu pulu ya ngolo me baisaka diaka na Fizi ; mpe na ntangu ya beto ke pesa nsangu yayi, kiteso ya bantu kumi kele diaka ve na luzingu na beto ya bantu.
- BUNIA : Beto vutuka awa na nsi, mingi na kizunga ya Ituri, wapi bantu nsambwadi bakaka lufwa ; zole na kati na bau, bimpumbulu ya ba Adf, na kulanda kunuana ya ngolo ya lutaka na kilumbu ya sabala me luta na kati ya makesa ya nsi na beto mpe kimvuka mosi ya bimpumbulu na bwala Masome, na Territoire ya Irumu.
- BUTEMBO : Na Kivu ya zulu, baleke ya ke zingaka na ndambu ya Butembo mpe Beni fwete kuvukana mpe kupesa bantwadisi ya kizunga maboko samu na bangolo ya ke na kusalama samu na kuvutuka ya ngemba kuna.
- BUTEMBO : Baleke ya bwala Kasisi na kiteso ya bkm makumi tanu na kukuma na mbanza Butembo zikisaka na mpimpa ya mazuzi ditoma mosi ya vandaka ke natila bantu ya me tinaka babwala na bau samu na mvita bima ya kudia.
- KINDU : Bonso na bisika mingi, kiadi, bantu ya ke zingaka na ndambu ya Salumu Basikibunda bwela diaka na ndambu ya Kapeya ya kele na Secteur ya Wamaza na Territoire ya Kabambare kele ya mpasi kuluta.
- BREVE / KAMERHE : Nsangu yankaka na suka yayi, kele mingi yayi ya nzo ya masonga ya vandaka ke sambisa mbuta Vital Kamerhe, ntwadisi ya UN ya me katuka na kubasisa yandi na buloko samu na mwa bantangu. Na kubasika yayi, mbuta Vital Kamerhe me pesa mbongo mingi.
/sites/default/files/2021-12/0712021-p-k-journalkikongomatin-00.mp3
