- KISANGANI : Bansangu ya suka yayi ta nata beto ntete na mbanza Kisangani wapi mwinda me vutuka na kupela na nima ya bangonda iya.
- KINSHASA : Na lusambusu ya bantu ya me fundamaka na lufwa ya Floribert Chebeya, pulusi Paul Mwilambwe, na nima ya bamvula kumi ya kubika nsi na beto me funda General John Numbi na kuvanda ntu mbansa.
- MBUJI-MAYI : Na kizunga ya Sankuru, kitombe kele diaka na lutwadusu ya kizunga na nima ya kukatuka ya mbuta Joseph Stéphane Mukumadi, mfumu ya kizunga.
- KINSHASA : Kele na kilumbu ya mazono ya mfumu ya nsi, mbuta Felix Tshisekedi, ya kele mpe ntwadisi ya ntoto na beto y’Afrika yambaka na masolo mama Kristalina Georgieva, ya kele ntwadisi ya FMI, sanduku yayi ya mbongo ya nza.
- LUBUMBASHI : Na mbanza Lubumbashi, kele na kilumbu ya mazono, ya ba monisaka mfumu ya kizunga ya Katanga ya zulu ditoma mosi ya ke natala mazout ; kansi ya vandaka me tula na mpila ya muyibi bansinga ya Snel mpe ba Cuivre.
- MATADI : Na kizunga ya Kongo central, Nana Pluriche Mambu, nge kele ntumwa na beto kuna. Beto lenda kuzaba nsangu nionso ya lutaka na buloko ya mbanza Boma na mpimpa ya mazuzi ?
/sites/default/files/2021-12/0912021-p-k-journalkikongomatin-00.mp3
