- KINSHASA : Na bansangu yayi, ntete, beto ta tubila kinzonzi ya mfumu ya nsi, mbuta Felix Tshisekedi ta sala bubu yayi na ntwala ya bantumwa ya nkangu ; ya vanda mpe bambuta ya Senat.
- BUNIA : Kaka na nzila yayi, bantumwa ya nkangu ya ponamaka na kizunga ya Ituri me tula kivuvu samu na kuvutuka ya ngemba na ntoto na bau. Kivuvu ya kieleka na nima ya nzietelo ya kisalu ya mbuta ya luyalu ya ke talaka mambu ya makesa salaka na ndambu yina ya nsi.
- BUKAVU : Kiteso ya nkama mosi kele ntalu ya banzonkanda ya malongi ya zulu na Kivu ya nsi ya mbuta ya luyalu ya ke talaka mambu yayi me lomba ti ba kanga yau. Kikuma, yau ke zitisa ve bansiku.
- KINSHASA : Na yayi me tadila mbongo ya nsi na beto fwete kusadila na yau na mvula ke kwisa, kele mazuzi, kilumbu ya sabala ya bantumwa ya nkangu ndimaka mukanda yayi ya nsiku, na ntwala kutinda yau na ndambu ya Senat.
- BENI : Na kutala mavuanga ya ba me kotisaka na Territoire ya Beni mpe na kizunga ya Ituri, makesa ya nsi me vukanaka ti bayayi ya nsi ya Ouganda samu na kunuanisa bimpumbulu ya ba Adf, tuka nsuka ya ngonda me luta.
- GOMA : Beto kwenda ntangu yayi na Territoire ya Masisi, na kizunga ya Kivu ya zulu, wapi bimvuka ya bimpumbulu ke na kulanda na kumwesa nkangu mpasi.
/sites/default/files/2021-12/1312021-p-k-journalkikongo_matin-00.mp3
