Journal Matin

 

  • MATADI : Na bansangu yayi, beto ta tubila kubwelama ya ntalu ya bantu ya me baka kimbefo ya Coronavirus na mbanza Boma. Kiteso ya nkama zole kaka na basabala zole.
  • GUNGU : Nzila ya Kikwit ke na kubeba konso kilumbu, mingi na kiamvu ya Kwilu ; nzila kaka mosi yina samu na kukwenda, kifwanusu na Territoire ya Gungu.
  • BUNIA : Na mbanza Bunia, ntalu ya bima me mata mingi na zandu na yau ya nene, mingi na ntangu yayi ya beto ke zola kusepela nkinsi ya nsuka ya mvula.
  • UVIRA : Na Kivu ya nsi, HCR me pesa bisadilu samu na kusansa kimbefo yayi ya coronavirus na banzo sambanu ya mavimpi ya kele na Uvira, Fizi bwela diaka na Mwenga. Mukembo ya lutaka, mazono na Uvira, na ntwala ya kilandi ya mfumu ya mbanza Uvira.
  • KALEMIE : Na kulanda kunuana ya ngolo ya lutaka na Territoire ya Kabambare, na kizunga ya Maniema, na kati ya ba Mai Mai ya Salamabila mpe bayina ya Buhombo, bankento makumi tatu na sambanu ya bakamaka na ngolo me kuma imene na Territoire ya Kongolo na kizunga ya Tanganyika.
  • BUNIA : Na kizunga ya Ituri, bantu nsambwadi lwalaka ngolo na nima ya bumvuanzi ya bimpumbulu ya Codeco salaka na Mungwalu, bwala ya kele na kiteso ya bkm makumi nana na tanu na kukua mbanza Bunia.
  • LUBUMBASHI : Na mbanza Lubumbashi, ba Shegue, bana yayi ya me tinaka banzo ya bibuti ke na kunata mavuanga ntangu nionso.
  • KANANGA : Na Kasaï-Central, na nkufi, ba inspecteurs, bantwadisi mpe bisadi ya nzo ya bisalu ya luyalu ya ke landilaka mambu ya kisalu ke na kulomba lufutu na bau.
  • RUMBA CONGOLAISE : Makinu, miyimbu ya nsi na beto ya me zabanaka mingi na zina ya Rumba ndimamaka, mazono na buku ya nza ya ke landilaka mambu ya kinkulu ya konso dikanda.

/sites/default/files/2021-12/1512021-p-k-journalkikongo_matin-00.mp3