- GOMA : Na bansangu yayi, beto ta losa disu na mbanza Goma, wapi ba Quartier na yau sambanu ke na kukonda masa ya bunkete.
- KINSHASA : Kaka na bansangu yayi, beno ta landa dibanza ya Lamuka, lukutakanu ya bimvuka ya politiki ya bambanda ya politiki ya luyalu, mingi na yayi me tadila kuponama ya kalaka ya mpa ya CENI ; mpe mvutu ya Upds.
- KALEMIE : Ditadi ya kufuta samu na kuluta na nzila ya Kongolo me basisa dionga ya bandinga. Kukangama ya bisalu, mpe mbala mosi lukanu ya luyalu ya kizunga samu na kukatula yau.
- KINSHASA : Kansi ntete nsangu yayi ya kuvutuka ya lusambusu na kilumbu ya bubu yayi na nzo ya nene ya masonga ya makesa ya Kinshasa-Gombe ya bantu ya me tangamaka samu na lufwa ya mbuta Floribert Chebeya mpe Fidèle Bazana.
- BUKAVU : Nkangu ya mbanza Bukavu ke na kubokuta kukonda ya kubasika ya masa, bubu yayi me lunga basabala mingi.
- KINDU : Na kizunga ya Maniema, nsamukila ya kimbefo ya Monkey Pox ke na kulandakana. Mpe na nsangu ya ke pesa mbuta ya luyalu ya kizunga ya ke talaka mambu ya mavimpi, na Tunda, bambefo me kuma nkama zole na makumi tanu na mosi. Makumi zole na iya me vidisa luzingu na bau.
/sites/default/files/2022-01/1201022-p-k-journalkikongomatin-00.mp3
