Journal Matin

 

  • KINSHASA : Nsangu yantete na suka yayi, kele mingi yayi ya nzo ya nene ya masonga awa na Kinshasa ya makesa ya ke na kusambisa diambu ya lufwa ya Floribert Chebeya mpe Fidele Bazana ya me buya na ntima mosi dibanza ya kubinga mfumu ya ntama, Joseph Kabila samu na kukwisa kupesa kimbangi nandi.
  • UVIRA : Kaka na bansangu yayi, mpe ta kwenda na Uvira samu na kulandila kunuana ya ngolo ya ke na kuluta kuna na kati ya kimvuka mosi ya bamai mai mpe makesa ya nsi.
  • MBANDAKA : Na nima ya bamvula makumi tanu, bubu yayi mbanza Zongo me kuma na nsemo ya mwinda ya ke na kupela kuna.
  • GOMA : Na mbanza Goma, kiteso ya bana nkama nana na iya, wapi makumi uvua na mosi na kati na bau basikaka na ndonga ya bimvuka ya bimpumbulu me katuka na kuzwa mikanda na bau ya kubutuka, ya me pesa bau nswa na kukuma ya kieleka bana ya Kongo Kinshasa. Kele na kilumbu ya mazono ya bimvuka ya ke landilaka mambu ya bana pesaka mukanda ya nkangu ya nzo ya masonga ya bana ya bana Goma zengakaka na bibuti na bau. Na kutuba ya kimvuka yayi, nionso yayi ke kota na kati ya dinaka ya Unicef me bongisaka samu na kutanina bana.
  • CEEAC : Kele na kilumbu ya mazono ya mfumu ya nsi, mbuta Félix Tshisekedi bakaka kiti ya kimfumu samu na kudiatisa bansi ya ntoto na beto y’Afrika ya kati kati, na sika ya mbuta Denis Sasou Ngwesso. Mukembo ya kieleka ya lutaka na dibaku ya lukutakanu ya mbala ya makumi zole ya kimvuka ya bansi yayi ya ntoto y’Afrika ya kati kati.

/sites/default/files/2022-01/20012022-p-k-journalkikongomatin-00.mp3