- BUNIA : Na bansangu yayi, beto ta tubila luzayisu ya Unicef me basisa, mingi na yayi me tadila bumvuanzi ya bimpumbulu salaka na banzonkanda mpe nzo mosi ya lusansu na Territoire Djugu na kizunga ya Ituri.
- UVIRA : Beto ta kwenda mpe na Uvira, wapi bantu tanu me baka lufwa na kati ya nkama iya na makumi zole na tatu ya ke na kubela pulu-pulu ya ngolo na Kiliba ; nionso yayi kaka na nima ya ngonda mosi.
- KINSHASA : Essence me kuma kumonana na mpasi mingi na ndambu ya Esete mpe na nsi ya ntoto na beto.
- KINSHASA : Kansi ntete nsangu yayi ya mbuta Jean-Marc Kabund, kilandi yantete ya ntwadisi ya nzo ya kinzonzi ya katuka diaka ve na kiti nandi yayi. Ndinga ya nkangu ke nungaka ntangu nionso. Yandi me bakusa nionso tendulaka, mazono, mbuta Emmanuelli KAHAYA, mfumu ya nzo nandi ya kisalu.
- BUNIA : Bimpumbulu bebisaka nzonkanda mosi ya malongi yantete, mpe nzo mosi ya lusansu na Petsi, na Territoire ya Djugu, na kizunga ya Ituri, na kilumbu ya kumi na tanu ya ngonda yayi.
- UVIRA : Mpe na Uvira na Kivu ya nsi, luzingu me vutuka kuna bonso mutindu ya yau ke vandaka na ntwala. Nionso yayi na nima ya bilumbu tatu na nima ya masasi ya ngolo ya wakanaka na ndambu ya miongo ya kele n anima ya Commune ya Mulongwe mpe ya Kavimvira.
- LUBUMBASHI : Beto tubila kubokuta yayi ya episecopo ya mbanza Lubumbashi na mutindu ya bapulusi panzaka na ngolo nionso bantu ya tambulaka na kizole samu na kusosa kubasika na buloko ya Pasteur Daniel Ngoy Mulunda. Kutambula ya Fcc bongisaka.
/sites/default/files/2022-01/2101022-p-k-journalkikongomatin-00.mp3
