Journal Matin

 

  • MBUJI – MAYI: Kutomisa baTerritoire nionso nkama mosi na makumi iya na tanu ya nsi na beto, kele dinaka ya luyalu. Dinaka ya mfumu ya luyalu, mbuta Sama Lukondo zibulaka na kilumbu ya uvua ya ngonda yayi ya beto kele na yau na Mission ya Catholica ya Lonzo na kiteso ya bkm makumi iya na kukuma mbanza Kenge, bwala kimfumu ya kizunga ya Kwanga.
  • KINSHASA: Na mutindu yayi, nsi ya Chine me ndima na kupesa luyalu ya nsi na beto maboko samu na lunungu ya dinaka yayi ya nene.
  • KINSHASA: Mpe na ndambu nandi, ya kele ntwadisi ya kimvuka ya ke na kulandila lukutakanu ya bizunga nionso makumi zole na sambanu yayi ya nsi na beto kele na yau, U26 na nkufi ya me lomba, mingi na nkangu ya kizunga ya Kasaï oriental na kusiamisa dinaka yayi ya mfumu ya nsi me bongisa.
  • MAGISTRATURE : Beto tubila ntangu yayi bisalu ya masonga. Na bandambu mingi, bazuzi kele ve. Samu na yau, bimvuka mingi ke na kulomba na luyalu na kupona bazuzi ya mpa samu na kutinda bau na banzo ya masonga.
  • MBUJI-MAYI : Ya fwana kusimba ti na kizunga ya Kasai-Oriental, ya kele kaka nzo ya masonga ya Tshilenge ya bisalu ke na kutambula mbote na kati ya tanu ya kele na ndambu yina ya nsi na beto.
  • BUKAVU: Beto manisa bansangu yayi na kizunga ya Kivu ya nsi, wapi diambu ya kubuya kufutisa bima ya bantu, bisalu yankaka ya luyalu, to diaka ya bimvuka ya mutindu na mutindu na bandilu ya nsi me vitisa na sanduku ya mbula matadi ya kiteso ya bamillions sambanu ya ndambu ya ba dollars.

/sites/default/files/2022-01/24012022-p-k-journalkikongomatin-00.mp3