- MATADI : Beto ta yantika bansangu yayi na kuzibuka ya bisalu ya kutunga dibungu ya nene ya Banana ; mpe inki ke banza bambuta mingi ya kizunga ya Kongo Central.
- GOMA RUGARI : Na Kivu ya zulu, beto ta tubila kukuma ya makesa ya Monusco na Rutshuru, mingi na nima ya bimvuanzi ya lutaka na bwala Rugari.
- KINDU : Nsangu kele ya mbote ve na ndambu ya buloko ya Kalima na kizunga ya Maniema, wapi bantu ya buloko sambanu me tina.
- CHERIBIN OKENDE : Dibungu yayi na kutuba ya mbuta ya luyalu ya ke talaka mambu ya kuzieta, mbuta Cheribin Okende, ta vanda kieleka samu na kubasika mpe kukota ya bima awa na nsi na beto, mingi na nzila ya masa ya mungwa samu na kukwenda na bansi yankaka.
- DUBAI PORT WORLD : Mpe samu na ntwadisi ya Compagnie ya nsi ya Emirats Arabe Unis ya ta sala bisalu, kutungama ya dibungu yayi kele mfunu mingi na mutindu ya bisalu ya minkiti ta tomisa kimvuama ya bansi mingi ya nza.
- GOMA TRANSPORT : Beto bikala kaka kuna na Kivu ya zulu samu na kuzabisa ti mazono, matoma ya ke nataka bantu, monanaka mingi ve banzila ya mbanza Goma. Kikuma, bimvuka ya nkangu mpe ya binati matoma lombaka ti bataxi-bus yina kubasika ve. Kiadi, mavuanga ya ngolo basikaka.
- BUKAVU : Kivu ya nsi samu na kumanisa bansangu ya suka yayi na ndinga Kikongo, kimbefo ya wazi ken a kulanda na kukwamina. Mpe kiteso ya bantu makumi sambanu yankaka bakaka yau na mvula me luta. Ntwadisi ya nzo ya kizunga ya ke landilaka mambu ya kimbefo yayi ya wazi zabisaka yau na lumingu, na dibaku ya nza banzilaka kigonsa ya kimbefo yayi.
/sites/default/files/2022-02/0102022-p-k-journalkikongomatin-00.mp3
