Journal Matin

 

  • KINSHASA : Na bansangu yayi, beno ta landa kimbangi ya mwana mosi ya nsi na beto ya me kangama na Ukraine, sika ya mvita ya ngolo ke na kuluta.
  • KINSHASA : Mvula ya ngolo ya nokaka, mazono, awa na bwala kimfumu, Kinshasa me kitisa na ntoto bantu iya, ya dibuta mosi.
  • BUKAVU : Na bizunga, beto ta losa disu na Kivu ya zulu, mngi na mbanza Beni, wapi kuna nzo ya masonga ya makesa me zengila bimpumbulu nana ya ba Adf, bantu ya vandaka ke pesa bau maboko mpe bamai mai iya bitumbu ya ngolo.
  • KINSHASA : Kutomisa bisalu ya kutambula samu na kumona mpe kusepela na kimvuama ya mfinda ya masa ; bimvanga ya mfumu nzambi pesaka na nsi na beto, kutomisa muntindu ya kuzieta na nzia ya Avion, bisalu ya kupesa mwinda, banzila kele na kati ya mambu ya tubamaka na kati ya mfumu ya nsi, mbuta Felix Tshisekedi mpe nkundi nandi, mbuta Adama Barrow, mfumu ya nsi ya Gambie, mazono awa na mbanza Kinshasa.
  • KANANGA : Mpe na kizunga ya Kasaï-Central, bantu nana me vila na kudinda ya bwatu na bau na kilumbu ya sabala me luta na nzadi ya Lulua, na Territoire ya Demba.
  • BUNIA: Na kizunga ya Ituri, baleiniere mosi ya vandaka ke nata ba Tonnes makumi nsambwadi y abima, mpe ya vandaka ke katuka na nsi ya Ouganda dindaka, mazuzi na dizanga ya Albert pene pene ya bwala Tchomia.
  • BENI: Na nkufi, nzo ya masonga ya makesa ya mbanza Beni me pesa bitumbu ya ngolo na bimpumbulu nana ya ba Adf, mpe bantu ya vandaa ke pesa bau maboko na bamambu nionso ya ba vandaka ke sala; ya vanda mpe na bamai mai iya.
  • BANDUNDU: Bamambu ya mbi me vutuka diaka mingi na mbanza Bandundu, bwala kimfumu ya kizunga ya Kwilu. Ntu mbansa, ba Kuluna ya ke na kuyala kuna bonso bantotila.

/sites/default/files/2022-03/0203022-p-k-journalkikongomatin-00.mp3