- KINSHASA : Na luyantiku ya bansangu yayi, beto ta tubila lusambusu ya bantu ya me tangamaka samu na lufwa ya Floribert Chebeya.
- BENI : Kiteso ya makumi nsambwadi, kele ntalu ya bantu ya makesa ya nsi me botula na maboko ya ba Adf, katuka luyantiku ya mvula yayi na Territoire ya Beni.
- MBUJI-MAYI : Christelle Mudia Buana, kele mwana yayi ya nkento ya ke nataka tuku tuku na mbanza Bunia ; beno ta zaba luzingu nandi mpe kisalu nandi yayi.
- KISANGANI : Na kizunga ya Tshopo, Secteur ya Torumbu ya kele na Groupement ya Yawenda, mingi na Territoire ya Isangi, nzala me kota kuna mingi. Kikuma, kudinda ya kiteso ya malanga nkama tanu, na kutala bamvula ya ngolo ya nokaka na ngonda ya kumi na mosi ya mvula me luta. Nsangu ya mbuta Andre Kangaelako Tawiti, munkwa dilanga mosi ya nene ya cacao pesaka na nkokila ya mazono na bansinga ya Radio na beno ya Ngemba.
- KINSHASA: Bamfumu ya ba Communes ya mbanza Kinshasa, mpe bilandi na bau me lomba na bantu na bau na kufuta bitadi na bau ya mvula me luta, ya mvula yayi. Nionso yayi tubamaka na lukutakanu ya vukisaka bau, mazuzi.
- BUTEMBO: Ngonda yayi ya tatu, kele ngonda ya nza ke pesaka lukumu na bamama, na kutala nionso ya ba ke salaka na luzingu na beto bantu. Mpe awa na nsi na beto, beto ke losa disu na ndambu ya mbanza Butembo na Kivu ya zulu, wapi kisalu ya kuteka bambisi mingi kele na maboko ya bamama.
/sites/default/files/2022-03/0703022-p-k-journalkikongomatin-00.mp3
