- KINSHASA : Beto ta tubila diaka, bonso, mazono, kilumbu ya bamama ya nza, mpe nsi na beto banzilaka. Nkisi ya kwalanaka ti kuzibuka ya zandu ya nene ya nza.
- BUNIA : Na bizunga, beto ta kwenda ntete na Ituri, wapi bantu makumi zole na zole bakaka lufwa. Na kati na bau, makesa sambanu ya nsi na beto.
- LUBUMBASHI : Mpe na mbanza Lubumbashi, wapi bambuta ya bapulusi monisaka mfumu ya kizunga ya Katanga ya zulu, bimpumbulu ya ke nataka mavuanga.
- BUKAVU : Na bizunga, mingi na Kivu ya zulu, bankento mingi me zola kaka kuteka bambuma, teke teke na babala bala ya bwala kimfumu, Bukavu. Kansi, atako ti mbongo kele mingi ve, bamama yayi ke na kutangisa ban ana bau na banzonkanda, mpe mingi na kudisa mabuta na bau konso kilumbu.
- UVIRA : Beto bikala kaka kuna na Kivu ya nsi, wapi zibukaka mwa zandu ya nza na nganda ya bansaka ya Lumumba, na Baraka, samu na kumonisa kaka bisalu ya bankento ke salaka. Bimvuka mingi ya bamama tambulaka na ntwala ya mfumu ya mbanza, mama Emerite Tabisha.
- MAI-NDOMBE : Na kizunga ya Mai-Ndombe, mingi na bwala na yau ya kimfumu, Inongo, nsangu kele ya kuzibuka, mazuzi, kintete ya dinaka na zina ya Mobali po na Mwasi, na dibanza ya kimvuka ya nza na zina ya Trias. Mukembo ya lutaka kilumbu yina na lutwadusu ya kalaka mpe kinati ndinga ya luyalu ya kizunga, mbuta Stéphane Ikoko, mingi na nzo ya makutakanu ya Lingomba na nzo nzambi ya dibundu ya Catholica ya saint Albert ya Inongo.
- GOMA : Kupesa diaka kikesa na nkangu ya ke zingaka na ndambu ya Esete ya nsi, mingi na Kivu ya zulu mpr na Ituri, ya bimpumbulu ke na kumwesaka mpasi konso kilumbu, kele kikuma ya nzietelo ya Papa ya Roma, mfumu ya dibundu ya Catholica ta sala awa na nsi na beto na ngonda ya nsambwadi ya mvula yayi.
/sites/default/files/2022-03/0903022-p-k-journalkikongomatin-00.mp3
