- Kinshasa : mu ngumu eyi ne tuakula bua dipatula dia bena lukanu bavua mfumu wa ditunga muvuila lusa mu mikanda ya mukalenga mitua tshiala makelela mushala . nanku ba avocat ba franck diongo ne firmin yangambi ba tshidi balongolola mikanda bua dipatuka diabu mu lukanu .
- Kinshasa: bena kumpanyi wa SCTP uvua kale Onatra bavua mu disanka kunyima kua dipangadika diangata kudi mfumu wa ditunga bua kuimanyika mudimu wa DG ne DGA ba kumpanyi ewu bua dilombola dibi .
- Kinshasa: Ba nganga buka ba mpitadi ya mbula matadi bavua mu njila mu tshimenga tshia kinshasa, bavua benza ngendu kumbukila ku gare central to ne ku cite wa OUA balomba dikubaja dia milaya ya matabishi abu didi ne tshia kutuadija mu ngondu muinayi .
- Kinshasa: Ku Yumbi mu polovense wa Mai Ndombe bantu badi babenga administrateur udibu batuma umbukila ku Inongo . katshia ku disatu dishala badi mu njila .
- Uvira: Ntshindondi tshia mulombodi wa Etat Major wa Fardc udi mu luendu lua mudimu ku Uvira . uvua mu muyuki ne bena mu mikuna mitumbuka ya Minembwe . ulomba kudi bantu bua kuteka bingoma panshi ne kudifila mu njila wa ditalala .
- Beni: Mufundi mukulu wa UNPC udi ulomba kudi ba kamona kamba ne tudiomba tudi ku Beni, Butembo ne ituri bua kudivuinka mu mvita bua kujikija disama dia ebola .
- Beni: nsalata wa tshitudilu tshia babedi ba ebola ku Nziapanda - Mangurejipa uvua muniangakaja ne mutua kapia . bua mulombodi wa territoire ba nsonga bavua babenga bua kujika muinabu uvua mufua mu bukubi bu mushindu utubi bienzenka bua dikuba dia bantu ki bavua benza malu aa.
- Kinshasa: mulombodi wa tshimamuenda wa bukalenga tshia mu tshimenga tshia Kinshasa uvua muvuija kumpala kua ba kamona kamba ne ba tshipuita ba mu tshibambalu etshi ki badifila mu malu a dikosa dia mishiku to bua masungula aba gouvena ne ba kulumpa ba mabala .
/sites/default/files/2019-03/14032019-a-t-journaltshilubasoir-web.mp3
