- BUNIA : Bumvuanzi ya ba Adf ke na kulandakana na kizunga ya Ituri. Mpe na Luna-Samboko, ba me fwa diaka bantu kumi na iya.
- KINSHASA : Kaka na bansangu yayi, beto ta tubila kubasika ya mukanda ya kimvuka Transparency International, mingi na yayi me tadila bansi wapi madesu ya bana kele ngolo. Samu na mbala yayi, Kongo Kinshasa, nsi na beto me baka, kiadi sika ya makumi zole.
- BUKAVU : Na mbanza Bukavu, nkangu tambulaka samu na kumonisa nganzi na bau na yayi me tadila kukonda masa ya bunkete.
- MBUJI-MAYI : Beto kwenda ntangu yayi na kizunga ya Kasaï Oriental, wapi ntwadisi ya banzonkanda ya malongi ya bapulusi me lomba na bibuti na kukotisa bana na bau ya mayele, mpe ya luzitu na ndonga ya bisalu ya bapulusi, na dibanza ti nsi na beto kuvanda ti bapulusi ya kieleka. Général-Major Célestin Kanyama zabisaka nionso yayi, mazuzi, na kuzibuka ya malongi, mpe masolo ya yandi vandaka na yau ti kiteso ya bisadi nkama zole ya bapulusi ya Kasai ya me kwenda kulanda malongi na mbanza Tshipuka.
- LUBUMBASHI : Kele tuka kilumbu ya mazuzi ya kilandi ya mfumu ya luyalu ya ke landilaka mambu ya mbula matadi, mbuta Daniel Aselo, telemisaka na kisalu samu na mwa bantangu mfumu ya mbanza Lubumbashi.
- BUNIA : Na wapi me kwenda kiteso ya mafunda tanu ya ba dollars ya mbula matadi tindaka samu na kuzieta ya balongi ya kele na sous-division ya Mambasa 1, bayina ya landaka malongi ya sanduku ya mbongo ya nza pesaka, ngonda ya mvimba na kizunga ya Ituri ? Samu na yau, bimvuka ya nkangu ya Territoire yina ya Mambassa ke lomba ntendula ya kieleka.
- KINDU : Kizunga ya Maniema samu na kumanisa, nzila katuka mbanza Kindu ti na kumona Kasongo me beba mingi ; ya me lunga bubu yayi kiteso ya bangonda nsambwadi. Kutambula kuna, me kuma mpasi mingi.
/sites/default/files/2022-01/2601022-p-k-journalkikongomatin-00.mp3
