- KINSHASA : Na bansangu yayi, beno ta landa mukanda ya Odep me katuka na kubasisa samu na yayi me tadila mbongo ya CENI me sadila.
- KINSHASA : Na nsangu ya kukatula kitadi ya RAM kubanda kilumbu yantete ya ngonda ke kwisa, beno ta landa dibanza ya mbuta Herve Diakiese ya kele nzonzi ya bantu ya ke sadilaka ba Hallo Hallo.
- KINSHASA : Kele na kitanu ya mposo me luta ya mfumu ya mbanza Kinshasa zibulaka dinaka ya fwete ntangu yayi kulandila ngwakana na kati ya bankwa banzo mpe bayayi ya ke futilaka na mutindu ya kufuta mbongo ya nzo.
- KINSHASA : Kansi ntete nsangu yayi ya kukuma, awa na bwala kimfumu, Kinshasa ya mbuta Recep Tayyip Erdogan, mfumu ya nsi ya Turquie.
- KINSHASA : Kaka na lukutakanu yayi ya mbala makumi iya na mosi ya bambuta ya luyalu ya simbamaka na kitanu ya mposo me luta, mbuta Felix Tshisekedi, ya twadisaka yau lombaka na luyalu na kumanisa na kusonika dinaka ya me tadila mambu nionso ya ke luta nan zila ya internet mpe na kutinda yau na nswalu nionso na ndambu ya nzo ya kinzonzi, samu ti na lukutakanu na bau ya ngonda ke kwisa, bantumwa ya nkangu kulonguka yau mpe kupesa nswa na luyalu na kusadila yau.
- MATATA PONYO : Tuka kilumbu sabala me luta, mbuta ya Sénat Augustin Matata Ponyo lenda ve kubasika na nganda ya nsi na beto, mingi na nzila ya nganda y’Avion ya Ndjili.
- BUNIA: Na bizunga, bimpumbulu ya ba Adf bulaka diaka masasi na nzila Komanda-Luna. Na kulanda bimbangi mingi, muntu mosi bakaka lufwa, bimpumbulu kangaka bantu kumi na iya yankaka, mpe zikisaka banzo mingi tiya.
- KINSHASA : Mfumu ya mbanza Kinshasa, mbuta Gentiny Ngobila Mbaka me katuka na kuzibula dinaka na yayi me tadila mukanda ya kufuta banzo ya bankwa banzo fwete kutula maboko ti bantu ya ke futila banzo na bau.
/sites/default/files/2022-02/2102022-p-k-journalkikongomatin-00.mp3
