" Campagne ka masungula kadi ne mudimu kayi ? "

” campagne ka masungula kadi ne mudimu kayi ?”

R/ campagne ka masungula kadi mudimu udi muenza kudi muntu ewu udi ufila mpala ku masungula bua kumusungulabo. Kadi kambuluisha kudileja bena ditunga malu adi muntu ewu ne bua kuenzela bantu pikalabo bamusungula, tuamba ne pologalamma wende. Bionso ebi ne menji a kukoka ntama ya bantu bua bobo kumusngula. Bilondeshile meyi ne mikandu nomba 06 / 006 a matuku 9 ngondo muisatu tshidimu tshia 2006, adi akula bua dilongolola dia masungula a balombodi ba ditunga, batshipuita munua nfuanka, ba ngouve ba province. Campagne ka masungula kadi kunzulula dituku dijima kunyima kua dipatula dia mena kudi kasumbu kadikadile ka masungula a bantu badi bafila mpala yabo ku masungula.

rn

Q/ Richard, bungi bua matuku a masungula bumanya kudi bukalenga bua ditunga, budi mbua momumue munda mua ditunga dia congo dijima anyi ?

R/bilondeshile meyi ne mikandu nomba 06 / 006 matuku 09 ngondo muisatu tshidimu tshia 2006 adi akula bua dilongolola dia masungula mu congo. Bungi bua matuku adi masungula ne bua kuenza kabuena bua momumue bua masungula mashilangana nansha. Tshilejelu batshipuita munua nfuanka badi ne matuku 30 bua campagne ka masungula, bakulumpa ba mabala badi bobo ne matuku 3, batshipuita munua nfuanka ba mu ma province badi ne matuku 30, ba gouvene ne bidondi biabo badi ne matuku 3 , balombodi ba bimenga badi biabo ne matuku 3, ba conseillers municipaux badi ne matuku 15 a campagne, ba bourgmestres ne bidondi biabo badi ne matuku 3 a campagne ka masungula, ba conseillers ba mu chefferie badi biabo ne matuku 15 a campagne, balombodi ba secteur ne bidondi biabo badi ne matuku 3 a campagne.

Q/*kadi tudi mua kumanya nganyi udi mupeshibua bukokeshi bua kulongolola campagne ka masungula ne koko kina campagne aka kadi ne bua kuenzeka mushindu kayi ? rnR/ tumanya ne madisangisha a malu a masungula adi enjibua bilondeshile meyi ne mikandu, ne adi malongolola kudi bisumbu bia bididi ne ba candidats indépendants.
Bisangilu nansha campagne ka masungula bidi bienzeka munda mua ditunga dijima, anu pikala balongolodi ba bisangilu ebi bafundila mulombodi udi mukumbana mukanda kumpala kua diba. Nanku bobo badi ne bua kuenza monso bua bisangilu biabo bienzeka biakana nangananga mu diteka dia bupole ne dinemeka dia meyi ne mikandu. Mu tshikondo etshi, cei udi ne bua kuteka bibejibeji, bidindimbi ne bifuanyi bikuabo bia madisuisha a malu a masungula.
rn

Q/Bilondeshile meyi ne mikandu ya malu a masungula, banganyi badi kabayi mua kudifila mu campagne ka masungula bilondeshile meyi ne mikandu ya ditunga. ?

R/ meyi ne mikandu a masungula adi akandika bisangilu bionso bia tshididi kudi bena mudimu ba bibambalu bia mbulamatadi, kudi ba ndumbulula malu, kudi basalayi ne mpoulushi nansha bena malu a kasokomasokoma, anu pakumbusha bantu badi bavua bumbuka miaba yabo ya mudimu nansha aba bavua balomba bua kuikisha. Tumanya ne kunyima kua dijikija dia campagne ka masungula, bidi bikandikibua kuabanya dituku dia masungula mikanda ya madisuisha. Nansha diluata dia bilamba bifunda mena a tshisumbu tshia tshididi kampanda nansha kabidi bisangilu bia tshididi.

Texte de SAMUEL KATSHAKrnOndes CourtesrnTél. : 00243998909787

traduit en Tshiluba par Elysee Tshikotarn journaliste Radio okapi Kinshasarn 0818996544