Fichier audio : téléchargez Flash pour écouter.
” nganyi udi mua kufila mpala wende ku masungula ?
* Muena congo yonso mulume nansha mukaji udi ne bukokeshi bua kudifila ku bulombodi bua malu adi atangila malu a tshididi munda mua ditunga bilondeshile mikenji mifila kudi tshibungu tshia meyi ne mikandu ne mikenji ya masungula. Bilondeshile kanungu ka tshitema ka meyi ne mikandu 06/006 ka matuku 9 ngondo muisatu, 2006 kadi kaleja dilongolola dia masungula a mulombodi wa ditunga, ba tshipuita munua nfuanka, balombodi ba province, ba bourgoumestre. Muntu udi bena congo ne bua kusungula, udi ne bua kuikala muena congo, muikala ne bidimu bidi bilombibua ne muikala kabidi ne carte ka basungudi. Muntu udi mufila mpala wende ku masungula udi ne bua kuya ku dileja nkayenda pikalaye mudikadile anyi independant anyi dina diende difila kudi tshisumbu tshia tshididi kampanda. Bimpe kumanya ne nansha masungula malongolola mushindu kayi, ewu udi mufila mpala wende bua kumusungula udi ne bua kudileja anu mu tshipapu tshimue epele tshia masungula bua masungula mu bitupa bionso.
rn * Richard kamunga tunvuijaku koko bulondangani bua masungula mashile-shilangana kudi bantu badi bafila mpala yabo ku masungula ?
* Kanungu ka dikumi ne muandamukulu ka meyi ne mikandu 06/006 ka mu matuku 9 ngondo muisatu tshidimu tshia 2006, kadi katangila dilongolola dia masungula a balombodi ba ditunga, batshipuita munua nfuanka, balombodi ba province, ba commune, kanungu aka kadi kaleja ne candidat indépendant, tshisumbu tshia tshididi nansha nsangilu wa bisumbu bia tshididi badi ne bua kufila bujadiki bua aba badi bafuilakana nkuasa kudi kasumbu kadikadile ka masungula. Badi ne bua kufila mukanda wa dianyisha mutua tshiala kudi muntu muina, photocopie wa carte ka basungudi, mukanda wa tshiledibua, mukanda wa bumuntu, photos passeport inayi, tulasa tulonga ne midimu mienza, tshimanyinu tshia tshisumbu tshia tshididi, ne mukanda udi uleja difuta dia franga milomba.
rn* Mu tshikondo kayi tshidibo kabayi mua kuitaba” Quant est ce qu’une candidature peut il être qualifiée d’irrecevable ?”
* Bilondeshile kanungu ka 21 ka malu a masungula, badi mua kupidia dina dia muntu pikalaye kena mufila mukanda wa budisuile buende, anyi pikalaye mudifundisha mu bilo bishilangana bua masungula amue . bidi mua kuikala kabidi padiye kena mufila franga milomba.
Texte SAMUEL KATSHAKrnOndes CourtesrnTél.: 00243998909787rnE-mail : [email protected] [email protected]
Traduit en Tshiluba par Elysée TshikotarnJournaliste Radio Okapi Kinshasarn0818996544rne-mail : [email protected] [email protected]
