" Inki kisalu to mfunu ya mfumu na insi ? "

Fichier audio : téléchargez Flash pour écouter.

” Inki kisalu to mfunu ya Mfumu ya insi ?”

* Nfunu ya mfumu ya insi me zabana na kati ya ba nsiku ke twadisa insi na beto RDC. Ndonga makumi sambanu na ivua ya nsiku ya insi ke tuka ti ntuadisi ya insi kele mfunu ya insi.Yandi ke monisa insi mpe yandi kele kidimbu ya bumosi to mvukani ya insi.Mfumu ya insi ke sala nionso sambu ba nsiku ya insi kuzitisama, na kusala nionso mutindu ti,bisalu nionso, kutambula mbote mpe insi kwenda na ntwala.Yandi ke siamisa kimpwaza ya insi, lukengu ya ntonto ya insi mvimba, kuzitisa ba ngwizani na ba insi ya nzenza.
Mfumu ya insi kele na inswa ya kutula ministre ya ntete to premier ministre kulandana na talu ya ba ntumwa ya kangu, ya kivuka ya politique kele na bantu mingi, kansi yadi fuana wizana ntete na bau. Kisalu ya premier ministre ke manisa kana yandi mosi me lomba demission na nzila ya gouvernement.
Mfumu ya insi kele mpe na inswa ya kutula na kiti ya kimfumu binama ya mbula matadi mpe lenda katula bau na kisala na kulomba to luzolo ya ministre ya ntete.

” Inki mutindu ta salama kuponama ya mfumu ya insi RDC ? ”

* Na nsiku 06 / 006 ya bilumbu ivua ngonda sambanu mvula mafunda zole na sambanu me tala bisalu ya kupona mfumu ya insi,ba ntumwa ya kangu na insi mpe na bizunga ti na ba localité ke tuba nde mfumu ya insi fwana ponama na bantu nionso na kati ya insi, sambu na kutwadisa insi ba mvula tanu mpe ba lenda pona yandi diaka sambu yandi sala mvula ya kaka tanu kana kangu me mona nde kisalu na yandi kele ,mbote mpe sambu na mabote ya insi.
Ndonga kama mosi na zole kaka ya nsiku me tala kupona ke tuba nde,kuponama ya mfumu ya insi fuana salama na luzolo ya Comm.Elect.Ind,bilumbu makumi ivua na ntwala ti mandat to bilumbu ba pesa mfumu ya insi ke basika kumanisa.

“Inki mutindu lenda vuanda muntu ina ke pesa kumbu sambu na kuponama mfumu ya insi to ina ke zola kutuadisa insi ?”

Muntu nionso ke zoala kupona mfunu ya insi fuana kukisa ba mambu yai :rn1. Yandi fuana vuanda mwana ya Congo ya kubutuka.
2. Yandi fuana vuanda na ba mvula makumi tatu to kuluta na kilumbu yandi ke kwenda pesa candidatures na yandi ;rn3. Yandi fuana vuanda na ba inswa na yandi nionso ya ki civile mpe ina ya politique.
4. Yandi fuana vuada kati ya bantu me manisaka kusonikisa zina na tangu ba vuandaka sonika bantu fuana kupona na tangu yandi ke kwena bika kumbu nandi na CEI . rnBika beto zabisa ti, mfumu ya insi fuana yandika kisalu na yandi bilumbu kumi na nima ya kuzabana ya ba mvutu to ba matonzi ya suka ya kuponama. Na ntuala ya kuyandika kisalu yandi,yandi fuana zenga seleka mutindu yai : rn-Mono kingandi, bakala to kento,me ponama mfumu ya insi RDC,rn- mono me zenga nkanu to seleka na ntwala ya zambi mpe ya insi mvimba :rn-Mono ta sadisala mpe kuzitisa ba nsiku ya insi ,rn-Mono ta siamisa kimpwaza ya insi na ba territoire na yau nionso,rn-Mono ta sala nionso sambu insi mvimba kubikala kimvuka,rn-Mono ta sala nionso sambu na mambote ya insi ya mvimba, na kuzitisa ba inswa ya bantu ,rn-Mono ta kukipesa mvimba sambu na tombosono ya mambote mpe ndembama ya bantu nionso.
-Mono ta sala mbote mpe mutindu me fuanakana na kuzitisa kisalu ba me pesa mono.

Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected] Kikongo de Micheline Tshwala rnTél : 00243998186793